Չորեքշաբթի, 7 Նոյեմբեր 2012-ին, Պէյրութի Ամերիկեան համալսարանէն Եասմին Խաթթապ աշակերտներուն ներկայացուց համալսարան ընդունման անհրաժեշտ բոլոր պայմանները։ Ան շեշտեց, որ ընտրեն այնպիսի մասնագիտութիւններ, որոնք կը համապատասխանեն իրենց կարողութեան ու նկարագիրին։ Ան պատասխանեց աշակերտներուն հարցումներուն եւ բաժնեց ընդունման հարցարաններ։
Ճեմարանի շրջանաւարտներ Կարէն Պօղոսեան եւ Արմէն Պչաքճեան 19 Օգոստոս 2012-ին սփիւռքի տարբեր երկիրներէ խումբ մը հայ երիտասարդներու հետ նուաճած են Արարատի գագաթը եւ հոն պարզած եռագոյն դրօշը։ Ուրբաթ, 9 Նոյեմբեր 2012-ին Արմէնն ու Կարէնը այցելեցին Ճեմարան եւ իրենց փորձառութիւնը նկարներու ցուցադրութեամբ ներկայացուցին նախակրթարանի Դ. դասարանի աշակերտներուն, աշխարհագրութեան դասի…
Մանկապարտէզի կապոյտ դասարաններու աշակերտները իրենց ուսուցիչներուն ընկերակցութեամբ Չորեքշաբթի 7 եւ Հիգշաբթի 8 Նոյեմբեր 2012-ին այցելեցին Անթիլիասի Մայրավանք։ Նոյեմբեր ամսուան կեդրոնական նիւթերէն մէկուն՝ արմաւին, լաւապէս ծանօթանալէ ետք, փոքրիկները դիտեցին վանքին շրջափակէն ներս գտնուող արմաւենիները, ապա աղօթեցին ու վերադարձան դպրոց։ Տեսնելը չի բաւեր… պէտք է շօշափել ու համտեսել։ Փոքրիկները մեծ…
Կազմակերպութեամբ ՀՄԸՄ-ի Լիբանանի Շրջանային Վարչութեան ԼԵՎԱՄ-ի յանձնախումբին եւ գործակցութեամբ ՀՄԸՄ-ի աթլեթիզմի յանձնախումբին` Կիրակի, 4 Նոյեմբեր 2012-ին, տեղի ունեցաւ ԼԵՎԱՄ-ի 2012-2013 տարեշրջանի մինի մարաթոնը` Պուրճ Համուտի մէջ: Այս մարաթոնին իրենց մասնակցութիւնը բերին 170 աշակերտ-աշակերտուհիներ, որոնք կը ներկայացնէին լիբանանահայ 10 վարժարաններ: Մրցումի աւարտին տեղի ունեցաւ մրցանակաբաշխութիւն. ստորեւ Ճեմարանի աշակերտներուն արձանագրած…
Հինգշաբթի, 1 Նոյեմբեր 2012-ին մանկապարտէզի կանաչ դասարաններու աշակերտները իրենց ուսուցիչներուն ընկերակցութեամբ այցելեցին «Մուաաուատ» գրախանութը։ Անոնք շրջեցան գրախանութին զանազան բաժինները եւ դիտեցին գրենական պիտոյքները։ Այս այցելութեամբ աշակերտները ամրապնդեցին գրախանութի վերաբերեալ իրենց գիտելիքներն ու բառամթերքը։
Մանկապարտէզի կապոյտ դասարաններու աշակերտները Հոկտեմբեր ամսուն ծանօթացան աշնան պտուղներուն։ Անոնք դիտեցին, շօշափեցին ու համտեսեցին զանազան պտուղներ։ Ի վերջոյ, պտուղներուն մասին բաւարար գիտելիքներ ստանալէ ետք, աշակերտները իրենց ուսուցիչներուն հետ պատրաստեցին խնձորով կարկանդակը։
Կազմակերպութեամբ Ճեմարանի Ընկերային Ծառայութեան Գրասենեակին, Չորեքշաբթի, 31 Հոկտեմբեր 2012-ին, Ֆրանսական Սէն Ժոզէֆ համալսարանի (USJ) ուսումնական կողմնորոշման գրասենեակի տնօրէն Փիէռ Նաժըմ ԺԲ. դասարանի աշակերտներուն ներկայացուց համալսարանի պատմականը եւ խօսեցաւ հոն գոյութիւն ունեցող տարբեր մասնագիտութիւններուն մասին։ Հինգշաբթի, 1 Նոյեմբերին, L.A.U. համալսարանի ընդունման գրասենեակէն Մեղրի Խօշեան ԺԲ. դասարանի աշակերտներուն ներկայացուց L.A.U….
Երեքշաբթի, 30 Հոկտեմբեր 2012-ին, երկրորդական բաժինի ԺԱ. եւ ԺԲ. դասարաններու աշակերտները հետեւեցան Համաշխարհային Երիտասարդական Միութեան (WYA) մասին դասախօսութեան մը։ Համաշխարհային Երիտասարդական Միութեան Միջին Արեւելքի տնօրէն Սետրիք Շուքէյր եւ Ճեմարանի շրջանաւարտ Նարօտ Յարութիւնեան ներկայացուցին Միութիւնը եւ խօսեցան անոր զանազան աշխատանքներուն մասին։ Դասախօսութեան աւարտին, աշակերտները արձանագրուեցան Համաշխարհային Երիտասարդական Միութեան կայքէջի…
Երեքշաբթի, 30 Հոկտեմբեր 2012-ին, տարրական բաժինի Ա. դասարաններու աշակերտները մեծ ուրախութեամբ ուղղուեցան դէպի Համազգայինի տպարանը։ Անոնք դիտեցին տպարանի գործիքները եւ մօտէն հետեւեցան տպագրական աշխատանքի հանգրուաններուն։ Աշակերտներուն մտքին մէջ յստակ դարձաւ գիրքի մը մեծաքանակ արտադրութեան աշխատանքի ձեւը։ Տպարանէն ետք, անոնք ուղղուեցան Համազգայինի գրախանութը, դիտեցին հոն ցուցադրուած եւ վաճառքի դրուած…
Տարրական բաժինի աշակերտները ամառը ձեռնածալ չանցուցին։ Անոնք մասնակցեցան տարբեր-տարբեր մրցումներու եւ ձեռք բերին փայլուն յաջողութիւններ։ Մեր մարզիկ աշակերտներէն յիշենք. Հրակ Լախեան Յունաստանի մէջ կազմակերպուած ճատրակի մրցաշարքին հանդիսացաւ երրորդ։ Շահան Նաճարեան ստացաւ տիպար մարզիկի ոսկի մետալ։ Քրիստ Պարսումեան մեծ յաջողութիւն արձանագրեց մարմնամարզութեան աշխարհին մէջ։
Երեքշաբթի, 23 Հոկտեմբեր 2012-ին Նորսիկեան մանկապարտէզի կանաչ դասարաններու աշակերտները այցելեցին Պայթարեան հաստատութիւն՝ դիտելու կարի գործիքները։ Աշակերտները շրջեցան հաստատութեան զանազան յարկերը եւ ծանօթացան դերձակին աշխատանքի զանազան հանգրուաններուն։ Այցելութեան աւարտին տեղի ունեցաւ հիւրասիրութիւն։
Մանկապարտէզի կանաչ դասարաններու վերամուտը տեղի ունեցաւ Երեքշաբթի, 2 Հոկտեմբեր 2012-ին, իսկ վարդագոյն եւ կապոյտ դասարաններու աշակերտներուն վերամուտը՝ 3 եւ 4 Հոկտեմբերին։ Յիշեալ օրերուն, առաւօտեան ժամը 8։30-ին աշակերտները հաւաքուեցան մանկապարտէզի բակը, ուր ուսուցչուհիները կանաչ դասարանի փոքրիկներուն վիզերուն անցուցին գունաւոր puzzle-ներ, կապոյտ դասարանի փոքրիկներուն՝ գունաւոր ժպտուն դէմքեր, իսկ վարդագոյն դասարանի…
