Ուրբաթ, 13 Հոկտեմբեր 2017-ին, տարրական բաժինի երկրորդ դասարանի աշակերտները այցելեցին Այնճար, որպէսզի գիտութեան «Ծանօթանանք պարտէզներուն» բնաբանը գործնական ձեւերով սորվին: Աշակերտները դիմաւորուեցան քաղաքապետարանի անդամներուն կողմէ եւ ճաշակեցին քաղաքապետարանի տրամադրած նախաճաշը բնութեան մէջ, ապա ուղղուեցան դէպի ելակի պարտէզ, ուր դիտեցին եւ համտեսեցին ելակները: Քաղաքապետարանի ոստիկաններուն առաջնորդութեամբ փոքրիկները ուղղուեցան դէպի խնձորի…
Հինգշաբթի, 12 Հոկտեմբեր 2017-ին, միջնակարգի Է. դասարանի աշակերտները այցելեցին Հայկազեան համալսարան, ծանօթանալու համար անոր կառոյցին, անձնակազմին եւ համալսարանական կեանքին: Համալսարանի մուտքին, աշակերտները արդէն իսկ հանդիպեցան Հայկազեան յաճախող ճեմարանաւարտներու. անոնք ջերմօրէն բարեւեցին զիրար: Պրն. Ռազմիկ Գաբրիէլեան (Student affairs office) եւ Պրն. Ռուբէն Մարկոսեան (Recruitment office) ընդունեցին աշակերտները եւ երկու…
Կազմակերպութեամբ աւարտական դասարանի աշակերտներուն, Ուրբաթ, 13 Հոկտեմբեր 2017-ի առաւօտեան, տարրական բաժինի Գ. դասարանի, նախակրթարանի, միջնակարգի եւ երկրորդական բաժինի աշակերտները հաւաքուեցան բացօթեայ բակը՝ նշելու հայ ժողովուրդի գոյութեան համար շատ կարեւոր տօն մը՝ Թարգմանչաց տօնը: Աւարտական դասարանէն Ալինա Յովսէփեան ընթերցեց թարգմանչաց տօնի կարեւորութեան մասին գրութիւն մը, որուն աւարտին ըսաւ. «Մեր…
Հինգշաբթի, 12 Հոկտեմբեր 2017-ին, միջնակարգի եօթներորդ դասարանի աշակերտները ընկերակցութեամբ իրենց ընդհանուր պատմութեան եւ արաբերէն լեզուի ուսուցչուհիներուն, առիթը ունեցան այցելելու Պէյրութի Քլէմանսօ թաղամասին մէջ գտնուող Տար էլ Նիմր-ի կողմէ կազմակերպուած «Միտատ՝ Արաբական տառերու հանրային և մտերմիկ կեանքերը» վերնագիրը կրողը ցուցահանդէսը, որ սերտօրէն կ’առնչուի «Histoire-Géographie» (Պատմութիւն-Աշխարհագրութիւն) դասանիւթի այս տարուան ծրագիրին:…
28 Օգոստոս 2017-ին Այնճարի մէջ տեղի ունեցաւ GAJSMA (Կլոպըլ ասոսիէյշըն աֆ ճեփընիզ Սորպոն էնտ մենթըլ արիթմեթիք)-SEMAS(Սորպոն էճիւքէյշըն ֆոր մենթըլ արիթմեթիք սիսթըմ) թուաբանական մրցանքը, որուն մասնակցեցան 92 աշակերտներ՝ հինգ տարբեր մասնաճիւղերէ: Կը շնորհաւորենք Ճեմարանի հետեւեալ աշակերտները, որոնք արժանացան գնահատանքներու. Աւօ Խաչատուրեան, Վարդան-Էլի Իրատեան, Կարէն Ճինպաշեան, Վիքի Կիրակոսեան եւ Արէն…
Ամառուան արձակուրդէն ետք, վերջապէս Նորսիկեան մանկապարտէզէն լսուեցան մանկական ուրախ կանչերն ու երգերը: Երեքշաբթի, 3 Հոկտեմբեր 2017-ին, կանաչ դասարաններու աշակերտները հաւաքուեցան Նորսիկեան մանկապարտէզի բակը իրենց վիզերէն կախած ժպտուն դէմքեր՝ կանաչ եւ նարնջագոյն ակնոցներով: Երեխաները բակին մէջ պարելէ ետք ուղղուեցան պարտէզ, ուր կրկնեփուկ կերան եւ պատմեցին, թէ ի՛նչպէս անցուցին ամրան…
Ճեմարանի մանկամսուրի 2017-2018 տարեշրջանը արդէն իսկ սկսած է ուրախ ու խանդավառ մթնոլորտով: Մանկամսուրէն ներս կատարուած նորութիւններուն մասին հետեւեցէ՛ք մեր լուրերուն յառաջիկայ շաբաթներուն:
Մ. եւ Հ. Արսլանեան Ճեմարանի 2017-2018 տարեշրջանի վերամուտը տեղի ունեցաւ հետեւեալ հանգրուաններով. Սեպտեմբեր 12-ին երկրորդական բաժինի, ինչպէս նաեւ միջնակարգի Թ. դասարանի աշակերտները արդէն իսկ վերադարձան դպրոց: Սեպտեմբեր 19-ին ամբողջացաւ միջնակարգի վերամուտը: Երեքշաբթի, 26 Սեպտեմբերը վերամուտն էր նախակրթարանի, իսկ Չորեքշաբթի՝ տարրականի բաժինի աշակերտներուն: Հինգշաբթի 28 Սեպտեմբերին, տարրական բաժինի Ա….
Ճեմարանի աւարտական դասարանի աշակերտները նախորդ տարուան նման կը շարունակեն ազգային եւ մշակութային տօներն ու յատկանշական իրադարձութիւնները նշելու իրենց յանձնառութիւնը: Չորեքշաբթի, 20 Սեպտեմբեր 2017-ի առաւօտեան միջնակարգի եւ երկրորդականի աշակերտներն ու ուսուցիչները հաւաքուեցան բակ, ուր Հայաստանի քայլերգին ունկնդրութենէն ետք, ԺԲ. դասարանէն Լալէ Չափարեան բարի վերամուտ մաղթեց բոլորին, ապա պատմական ակնարկով…
Հինգշաբթի, 7 Սեպտեմբեր 2017-ին, կը սկսի արաբական դպրոցական մարմնամարզութեան Ա. ախոյեանութիւնը՝ «Ճիմնազիատ-2017»ը: Մասնակցող դպրոցականները բաժնուած են տարիքային երկու խմբակներու՝ 12 եւ 14 տարեկանէն վար տղաք եւ աղջիկներ: Յաջողութիւն կը մաղթենք այս ախոյեանութեան մասնակցող Ճեմարանի չորս աշակերտներուն՝ Քրիստ Պարսումեանին եւ Նարօտ Կիւրիւնլեանին (մարմնամարզութիւն), Շանթ Ահարոնեանին (գունդ նետել) եւ Լէա…
Ուրբաթ, 25 Օգոստոս 2017-ին աւարտեցաւ Ճեմարանի «Ամառնային պարտէզ» դպրոցը, ուր յաճախեցին տարիքային երկու խմբաւորումներու բաժնուած երեխաներ: Երկու ամսուան ընթացքին երեխաները հետեւեցան դաստիարակիչ ծրագիրի մը, որ կ’ընդգրկէ պատմութիւն, գիտական եւ թուաբանական գիտելիքներու խաղեր, հոգեշարժական աշխատանքներ, մարզական խաղեր, ձեռային աշխատանք, խոհանոցային հմտութիւններ, լողաւազան, պտոյտներ, եւայլն: Երեխաները «Ամառնային պարտէզ»ի ընկերական ջերմ…
