Երկուշաբթի, 20 Մայիս 2019-ին, Ճեմարանի հրաւէրով Լիբանան ժամանած հայրենի տաղանդաւոր արուեստագէտներ՝ Գարիկ Պապոյեան եւ Սոնա Ռուբէնեան այցելեցին Ճեմարան: Անոնք շրջեցան դպրոցին մէջ եւ հանդիպեցան տնօրէնութեան եւ աշակերտներուն հետ:
Չորեքշաբթի, 15 Մայիս 2019-ին, Նախակրթարանի Զ. դասարանի աշակերտները, իրենց Պատմութեան եւ Աշխարհագրութեան (Histoire-Géographie) ուսուցչուհիին ընկերակցութեամբ, այցելեցին Պէյրութի Ազգային Թանգարանը: Աշակերտները շրջեցան թանգարանին բոլոր բաժանումները եւ տեսան նախապատմական, հելլենիստական, հռոմէական, բիւզանդական եւ իսլամական քաղաքակրթութիւններու հարստութիւնները՝ քանդակներ, արձաններ, արձանագրութիւններ, կենցաղային առարկաներ եւ տապանաքարեր: Տիկին Շողիկը աշակերտներուն լայն տեղեկութիւններ փոխանցեց դարերու…
Ընկերային կազմաւորման ծրագրի ծիրէն ներս, Ճեմարանի շրջանաւարտ Կալի Խիւտավերտեան (շրջանաւարտ՝ A.U.B. հոգեբանութեան մասնագիտութիւն) միջնակարգի Է. դասարանի աշակերտներուն հետ արծարծեց հետեւեալ նիւթերը՝ ի՞նչպէս ընկեր ընտրել, անձի մը իւրայատկութիւնը, հոգեբանական ինչպիսի՞ հանգրուաններէ կ’անցնի անձերու միջեւ ընկերութիւնը, պատանեկան սէր եւ սիրոյ արտայայտութիւն, ընկերային հաւաքները այս տարիքին, փորձութիւններու չենթարկուիլ….
Կազմակերպութեամբ ընկերային ծառայութեան գրասենեակին, տեղի ունեցան սեռային դաստիարակութեան վերաբերեալ հետեւեալ դասախօսութիւնները. 19 Նոյեմբեր, 2018-ին Տոքթ. Ժանօ Քէքէճեան (միջնակարգի դասարաններ): 3 Ապրիլ 2019-ին կանացի հիւանդութիւններու մասնագէտ Տոքթ. Վիգէն Նանէճեան (երկրորդական բաժինի Ժ. եւ ԺԱ. դասարաններ): 11 Ապրիլ, 2019-ին մանկաբոյժ Տոքթ. Պերճ Տագէսեան (նախակրթարանի Զ. դասարան): Վերոյիշեալ դասախօսութիւններուն ընթացքին, աշակերտներուն…
Ուրբաթ, 10 Մայիս 2019-ին, Մանկապարտէզի Կանաչ դասարանի երեխաները այցելեցին Պսուսի մետաքսի թանգարանը (Ալէյ): Դիտելէ ետք թանգարանին պարտէզին պտղատու ծառերը, երեխաները մտան թանգարան, ուր նոր գիտելիքներ ամբարեցին: Անոնք տեսան խոզակը, շերամը, զանազան գործիքները, մետաքսէ պատրաստուած գորգերն ու շղարշները, ինչպէս նաեւ սորվեցան մետաքսի պատրաստութիւնը:
Կազմակերպութեամբ ընկերային ծառայութեան գրասենեակին, Երկուշաբթի, 13 Մայիս 2019-ի առաւօտեան, Ճեմարանի ԺԱ. դասարանի աշակերտները այցելեցին Զուարթնոց կեդրոն՝ ընկերակցութեամբ դպրոցի ընկերային ծառայող Սիլվա Սողոմոնեանի եւ ուսուցչուհի Շողիկ Փելթեքեանի։ Մուտքին, Կեդրոնի տնօրէն Վարդի Գէորգեան բացատրութիւններ տուաւ Զուարթնոցի մասին եւ շեշտեց, որ հոն յաճախողները տարբեր կարողութիւններ ունեցող աշակերտներ են եւ ո՛չ՝ մտքով…
Շաբաթ, 11 Մայիս 2019-ին, Ժպէյլի «Սայիտէթ Ալ Մաունէթ» սրահին մէջ տեղի ունեցաւ երաժշտական մրցանքի մրցանակաբաշխութիւնը: Մրցանքին հովանաւորն էր կրթութեան նախարար Աքրամ Շըհայյէպը, իսկ կազմակերպիչը՝ «Լիբանանի բարգաւաճման կազմակերպութիւնը» Ուրախութեամբ կը յայտնենք, որ Ճեմարանի ԺԱ. դասարանի աշակերտուհի Կայէլ Գրիգորեան (քանոն) եւ ԺԲ. Դասարանի աշակերտ Կարօ Գրիգորեան (դաշնամուր) արժանացան մրցանակի: Կը…
Կազմակերպութեամբ ընկերային ծառայութեան գրասենեակին, Ուրբաթ 10 Մայիս 2019-ին, Ը. դասարանի աշակերտներս, դպրոցէն ուղղուեցանք դէպի ՔԱՀԼ-ի «Հայ տարեցներու տուն»: Հոն, շատ սիրալիր ձեւով մեզ դիմաւորեցին հաստատութեան տնօրէն պատուելի Սեպուհ Թերզեան եւ պատասխանատու Սոնիկ Կէտիկեան: Պատուելին խօսեցաւ ՔԱՀԼ-ի հիմնադրութեան պատճառներուն եւ գործունէութեան մասին, ապա բացատրեց, թէ ի՛նչ պայմաններու մէջ գտնուող…
Կազմակերպութեամբ Հ.Մ.Ը.Մ. Պէյրութի, Կիրակի, 12 Մայիս 2019-ին, Հ.Մ.Ը.Մ. Պէյրութի ակումբէն ներս տեղի ունեցաւ Ճատրակի տարիքային մրցաշարք մը, որուն մասնակցեցան 60 երկսեռ խաղացողներ: Սոյն մրցաշարքին իրենց մասնակցութիւնը բերին խումբ մը ճեմարանական աշակերտներ, որոնք դարձան մետալակիրներ: Ստորեւ կը ներկայացնենք բոլոր մետալակիր աշակերտներուն անունները. 8 տարեկանէն վար՝ Նարեկ Բակլայեան (5 կէտ)՝…
Երկուշաբթի, 13 Մայիս 2019-ին, Նախակրթարանի Դ. դասարանի աշակերտները ներկայ գտնուեցան Համազգայինի «Կարկաչ» մանկապատանեկան երգչախումբին աշակերտական ելոյթին, որ տեղի ունեցաւ Ազգային Միացեալ Վարժարանի հանդիսասրահէն ներս:
Հինգշաբթի, 2 Մայիս 2019-ի առաւօտեան Ճեմարան այցելեց ՀՅԴ Բիւրոյի ներկայացուցիչ Յակոբ Տէր Խաչատուրեան: Դպրոցի տնօրէնութեան եւ խնամակալութեան ատենապետին հետ հանդիպումի մը ընթացքին արծարծուեցան Ճեմարանի առօրեային վերաբերող եւ կրթական զանազան նիւթեր: Այցելութեան աւարտին, Բիւրոյի ներկայացուցիչը շրջեցաւ կառոյցին մէջ եւ ծանօթացաւ անոր զանազան բաժիններուն, մասնաւորաբար նորակառոյց «Ռաֆֆի եւ Անելկա Արսլանեան» մանկամսուրին:
Ուրբաթ, 10 Մայիս 2019-ին, Նախակրթարանի Ե. եւ Զ. դասարաններէն խումբ մը աշակերտներ մասնակցեցան Հայ Բարեգործական Ընդհանուր Միութեան «Խօսնակ» պաշտօնաթերթի խմբագրութեան կազմակերպած արտասանական եւ նկարչական մրցանքին, որ տեղի ունեցաւ «Ահրամճեան» կեդրոնէն ներս: Արտասանական մրցումին, Ե. դասարանէն երկրորդ հանդիսացաւ Սարին Մահտեսեան, որ արտասանեց Յովհաննէս Թումանեանի «Հին Օրհնութիւն» բանաստեղծութիւնը, իսկ Օրօր…
