Կազմակերպութեամբ Ճեմարանի Ընկերային Ծառայութեան Գրասենեակին, Հինգշաբթի, 7 Նոյեմբեր 2013-ին, Ֆրանսական Սէն Ժոզէֆ համալսարանի (USJ) ընդունման գրասենեակէն Փիէռ Նաժըմ ԺԲ. դասարանի աշակերտներուն ներկայացուց համալսարանի պատմականը եւ խօսեցաւ հոն գոյութիւն ունեցող տարբեր մասնագիտութիւններուն մասին։ Ան դիտել տուաւ, որ կրթանպաստի լայն կարելիութիւններ կան մասնաւորաբար հիւանդապահութեան մասնագիտութեան։ Ներկայացման աւարտին, Փիէռ Նաժըմ պատասխանեց…
Հինգշաբթի, 31 Հոկտեմբեր 2013-ին, տարրական բաժինի երկրորդ դասարանի աշակերտները գացին «Պաապտա» անտառ (Baabda forest): Անոնք ծանօթացան անտառի տեսակաւոր ծառերուն եւ կարգ մը անասուններու: Բոլոր աշակերտները դափնիի չաչ ցանեցին եւ թաղարները տուն տարին: Այս այցելութեան ընթացքին աշակերտները ծանօթացան հրշէջի տարազին, ինչպէս նաեւ՝ հրդեհի մը պատճառներուն ու կանխարգիլման միջոցներուն:
Երեքշաբթի, 29 Հոկտեմբեր 2013-ին, տարրական բաժինի երրորդ դասարանի աշակերտները այցելեցին «Կիլիկիա» թանգարանը, ապա ուղղուեցան դէպի մատենադարան: Շնորհակալութիւն հայր Պարոյր Շերնէզեանին, որ բացատրութիւններով հարստացուց աշակերտներուն գիտելիքները:
«Աղբիւր» բանաստեղծութիւնը մղեց Ը. դասարաններու աշակերտները, որ ուսումնասիրեն Դանիէլ Վարուժանի կեանքն ու գործերը եւ տեսասալիկներու վրայ խոյզեր պատրաստեն անոր կեանքին ու գործերուն մասին: Բծախնդրութեամբ պատրատուած եւ լրջօրէն կատարուած այս ներկայացումներէն ետք անոնք պատասխանեցին իրենց դասընկերներուն հարցումներուն: Խիստ շահեկան, գնահատելի ու հետաքրքրական էին աշակերտներուն ներկայացումները:
Չորեքշաբթի, 30 Հոկտեմբեր 2013-ին, նախակրթարանի Դ. դասարաններու աշակերտները իրենց ուսուցիչներուն ընկերակցութեամբ այցելեցին Պէյրութ մայրաքաղաքի կեդրոնը գտնուող պատմական հնութիւններու վայրը։ Անոնք դիտեցին յայտնաբերուած հնութիւնները եւ ստացան համապատասխան բացատրութիւններ։ Այս այցելութեամբ աշակերտները ամրապնդեցին նախաբնիկներու եւ պեղումներու վերաբերող իրենց ստացած գիտելիքները։
Չորեքշաբթի, 23 Հոկտեմբեր 2013-ին, նախակրթարանի Դ. դասարաններու աշակերտները այցելեցին «Անթիլիաս»-ի գետ՝ ամրապնդելու «Անուշ ջուրի միջավայր»ի մասին իրենց ստացած գիտելիքները։ Աշակերտները դիտեցին գետին ընթացքը, ծանօթացան հոն աճող բոյսերուն, ինչպէս նաեւ այցելեցին գետին միւս ափը գտնուող լիբանանեան ոճով կառուցուած հին տուն մը, որ կը գործէ իբրեւ ջաղացք։
Ուրբաթ, 18 Հոկտեմբեր 2013-ին, Դ. դասարաններու աշակերտները հայերէն լեզուի դասատուին ընկերակցութեամբ կատարեցին ձեռային աշխատանք մը՝ Թարգմանչաց տօնին առիթով: Անոնք պատրաստեցին հայերէն տառերով ու հայկական նկարներով զարդարուած էջացոյցներ, զորս զետեղեցին իրենց հայերէնի դասագիրքերուն մէջ:
Երկուշաբթի, 21 Նոյեմբեր 2013-ի առաւօտեան նախակրթարանի Ե. դասարաներու 45 աշակերտները միասնաբար նախաճաշեցին, ապա սկսան իրենց դպրոցական առօրեային: Զոյգ դասարաններու դաստիարակներուն նախաձեռնութեամբ եւ գործադրութեամբ տեղի ունեցած նախաճաշը կը նպատակադրէ աշակերտները համախմբել մտերմիկ մթնոլորտի մէջ, զարգացնելու համար ընկերասիրութիւնը:
Կազմակերպութեամբ Ճեմարանի Ընկերային Ծառայութեան Գրասենեակին, Երկուշաբթի, 28 Հոկտեմբեր 2013-ին, Պէյրութի Ամերիկեան համալսարանի ընդունման գրասենեակէն Միրա Համզէ եւ Սապին Մելքիսէթեան ԺԲ. Դասարանի աշակերտներուն ներկայացուցին համալսարան ընդունման անհրաժեշտ բոլոր պայմանները։ Ներկայացման աւարտին անոնք պատասխանեցին աշակերտներուն։
Երկուշաբթի, 28 Հոկտեմբեր 2013-ին մանկապարտէզի կանաչ դասարաններու աշակերտները իրենց ուսուցիչներուն ընկերակցութեամբ այցելեցին «Մուաաուատ» գրախանութը՝ ամրապնդելու համար գրախանութի վերաբերեալ իրենց գիտելիքներն ու բառամթերքը։ Անոնք շրջեցան գրախանութին զանազան բաժինները եւ դիտեցին գրենական պիտոյքները։
Կազմակերպութեամբ Ճեմարանի Ընկերային Ծառայութեան Գրասենեակին, Հինգշաբթի, 24 Հոկտեմբեր 2013-ին, L.A.U. համալսարանի ընդունման գրասենեակէն Մեղրի Խօշեան ԺԲ. դասարանի աշակերտներուն ներկայացուց L.A.U. –ի տարբեր մասնագիտութիւնները, ինչպէս նաեւ խօսեցաւ աշխատանքի կարելիութիւններուն մասին։ Ան շեշտեց, որ L.A.U համալսարանը կրթանպաստի զանազան դիւրութիւններ կու տայ ուսանողներուն։ Ներկայացման աւարտին, Խօշեան պատասխանեց աշակերտներուն հարցումներուն։
Ուրբաթ, 18 Հոկտեմբեր 2013-ին Նորսիկեան մանկապարտէզի կանաչ դասարաններու աշակերտները այցելեցին Պայթարեան հաստատութիւն՝ դիտելու կարի գործիքները։ Աշակերտները շրջեցան հաստատութեան զանազան յարկերը եւ ծանօթացան դերձակին աշխատանքի զանազան հանգրուաններուն։ Այցելութեան աւարտին, տեղի ունեցաւ հիւրասիրութիւն գործարանի բակին մէջ։
