Երկուշաբթի, 28 Ապրիլ 2025-ին, տարրական բաժինի աշակերտները իրենց յարգանքի տուրքը մատուցեցին ցեղասպանութեան զոհերուն՝ ծաղիկներ զետեղելով Ճեմարանի մուտքին գտնուող նահատակ գրագէտներու որմնաքանդակներուն եւ Անթիլիասի մայրավանքին Սրբոց Նահատակաց յուշարձան-մատուռին դիմաց։
Հայոց ցեղասպանութեան ոգեկոչման նախաձեռնութիւններու ծիրին մէջ, միջնակարգի հայերէն եւ հայոց պատմութիւն դասաւանդող ուսուցիչները կազմակերպեցին պատի թերթի մրցանք մը, նիւթ ունենալով հայոց ցեղասպանութիւնը: Մրցանքին մանրամասնութիւնները՝ բովանդակութեան շուրջ տեղեկութիւններ կամ պատրաստութեան պայմաններ, աշակերտներուն բացատրուեցան, եւ աշխատանքին ներկայացման օրուան ժամկէտը ճշդուեցաւ: Աշակերտները խանդավառութեամբ եւ միասնական ճիգերով աւարտեցին աշխատանքը: Չորեքշաբթի, 16 Ապրիլ…
Հայոց ցեղասպանութեան ոգեկոչման ձեռնարկներու ծիրին մէջ, Չորեքշաբթի, 16 Ապրիլ 2025-ին, Զ. եւ Է. դասարանի աշակերտները այցելեցին Ժպէյլի հայոց ցեղասպանութեան որբերու «Արամ Պէզիքեան» թանգարանը։ Աշակերտները թանգարանին մասին ընդհանուր տեղեկութիւններ ստացան, անոնք կրցան նաեւ պատկերացնել դասարանէն ներս իրենց ընթերցած Անդրանիկ Ծառուկեանի «Մանկութիւն չունեցող մարդիկ» գիրքի դրուագներէն, ցեղասպանութենէն փրկուած հայ որբերու կեանքը։…
Չորեքշաբթի, 16 Ապրիլ 2025-ին, Նորսիկեան մանկապարտէզի փոքրիկները տօնեցին Սուրբ Զատիկը: Երեխաները երգեցին, պարեցին եւ խաղացին իրենց գունաւորած հաւկիթներով:
Չորեքշաբթի, 16 Ապրիլ 2025-ին, տեղի ունեցաւ տարրական եւ նախակրթարան բաժիններու աշակերտներուն հաւկթախաղը:
Հայոց ցեղասպանութեան 110-ամեակի ոգեկոչման նախաձեռնութիւններու ծիրին մէջ, Չորեքշաբթի, 16 Ապրիլ 2025-ին, միջնակարգի Ը. եւ Թ. դասարաններուն աշակերտները այցելեցին Պիքֆայայի Ս. Աստուածածին վանքը: Վանքի մուտքին աշակերտները դիմաւորեց դպրեվանքի հսկիչը՝ Հայր Գէորգը: Ոգեկոչման սկիզբը աշակերտներուն կողմէ խօսք առաւ Լիմ լիպարեան, ուր իր խօսքին մէջ հաստատեց՝ իբրեւ յաջորդող սերունդներ այդ արհաւիրքը…
Հայոց ցեղասպանութեան 110-ամեակի ոգեկոչման աշխատանքներու ծիրին մէջ, Դ. դասարանի աշակերտները իրենց հայերէնի դասապահուն ուղղուեցան դէպի գրադարան. անոնք Ցեղասպանութեան մասին պատմական տեղեկութիւններ ստացան, ինչպէս նաեւ իրենց պապենական հողերը, նահատակները եւ ֆետայիները ուսումնասիրելով կատարեցին իրենց խոյզերէն մաս մը: Աշակերտները որոշեցին կառչած մնալ իրենց հայկական արմատներուն, յիշել ու պահանջել հայ ժողովուրդին…
Հ.Մ.Ը.Մ.ի Լիբանանի Շրջանային Վարչութեան ԼԵՎԱՄ-ի յանձնախումբին կազմակերպութեամբ 2024-2025 տարեշրջանի Աթլելիզմի մրցումները տեղի ունեցան Շաբաթ, 5 Ապրիլ 2025-ին, «Collège Notre Dame de Jamhour»-ի մարզադաշտէն ներս։ Ճեմարանի աշակերտները շահեցան 37 մետալ եւ 79 կէտ ապահովելով հանդիսացան առաջին: Ստորեւ Ճեմարանի աշակերտներուն արդիւնքները.- ԿԱՐՃ ՎԱԶՔ Աղջիկներ. 12 տարեկանէն վար՝ Սարա Սերոբեան (երրորդ)…
Կազմակերպութեամբ Հայկազեան Համալսարանի ուսանողական հարցերու բաժինին, Երեքշաբթի, 8 Ապրիլ 2025-ին, տեղի ունեցաւ հայկական զարդանախշերու փորագրութեան աշխատանոց մը՝ Ժ. դասարանի աշակերտներուն մասնակցութեամբ: Վաստակաւոր քանդակագործ Սուրէն Սարոյեանի ցուցմունքին եւ բացատրութիւններուն հետեւելով, աշակերտները սորվեցան եւ փորագրեցին զարդանախշերու վրայ: Շնորհակալութիւն կը յայտնենք կազմակերպող մարմինին՝ հաճելի եւ օգտաշատ այս աշխատանոցին համար:
Ուրբաթ, 4 Ապրիլ 2025-ին, տարրական բաժինի Գ1 եւ Գ2 դասարաններու աշակերտները թուաբանութեան դասապահերուն թուաբանութեան մրցումի մը մասնակցեցան։ Խմբակներու բաժնուելէ ետք, անոնք 15 հանգրուաններով լուծեցին թուաբանական խնդիրներ եւ ամբողջացուցին տրամաբանութեան եւ կեդրոնացում զարգացնող հարցարաններ։ Անոնք խանդավառութեամբ եւ մեծ հաճոյքով աշխատեցան։ Մրցումի աւարտին իւրաքանչիւր աշակերտ ստացաւ հաստատագիր մը։
Կազմակերպութեամբ Համազգայինի Գեղարուեստի Դպրոցներու խնամակալութեան, Տնօրէնութեան եւ «Թորոս Ռոսլին» Կերպարուեստի Դպրոցին, Շաբաթ 5 Ապրիլ 2025-ին, «Փիւնիկ» սրահին մէջ տեղի ունեցաւ Ժանսէմի 105-ամեակին նուիրուած միջդպրոցական գծագրութեան մրցանքը։ Ուրախութեամբ կը յայտնենք, որ Ա. խմբակին (5-րդ, 6-րդ դասարաններ) առաջինը հանդիսացաւ Ճեմարանի աշակերտներէն Գէորգ Ուրիշեան, իսկ Գ. խմբակինն (երկրորդական բաժին) առաջինը` Մարգրիտ…
Հինգշաբթի, 3 Ապրիլ 2025-ին, աւարտական դասարանի աշակերտները հանդիպում ունեցան տարբեր սերունդներու շրջանաւարտներու հետ՝ Ատոմ եւ Սելլա Թնճուկեան, Լեւոն եւ Հուրիկ Պաղտասարեան: Ընկերային ծառայող Սիլվա Սողոմոնեան նախ ներկայացուց հիւրերուն կենսագրականները, ապա ընթացք առաւ զրոյցը՝ «կարեւոր որոշումներ մեր կեանքին մէջ» նիւթով: Զրուցավարները խօսեցան Ճեմարանի իրենց փորձառութեան մասին, շեշտելով անհրաժեշտութիւնը որոշումներ…
