Երկուշաբթի, 31 Հոկտեմբեր 2011-ին Ե. դասարաններու թուաբանութեան ուսուցչուհին աշակերտներուն ներկայացուց երկրաչափութեան (géometrie) դասը համակարգչային տարբերակով։ Հետաքրքրական էր աստիճանաչափի (rapporteur) օգտագործումը եւ անկիւններու զետեղումը համակարգիչով։ Արդիական ոճով այս դասապահէն ետք, աշակերտները վերադարձան թուղթ ու գրիչին, որ դարերէ ի վեր առանց ելեկտրականութեան եւ յաւելեալ սարքերու կարիքի՝ աշակերտին, ուսուցիչին ու ամբողջ…
Երեքշաբթի, 8 Նոյեմբեր 2011-ին, նախակրթարանի Դ. դասարաններու աշակերտները գիտութեան ուսուցչուհիին ընկերակցութեամբ այցելեցին «Անթիլիաս»-ի գետը։ Այս պտոյտը կը նպատակադրէր աշակերտներուն մօտ ամրապնդել «Անուշ ջուրի միջավայրը» դասէն ստացած իրենց գիտելիքները։ Աշակերտները դիտեցին գետին ընթացքը ու ծանօթացան այդ միջավայրին մէջ աճող բոյսերուն։
Չորեքշաբթի, 9 նոյեմբեր 2011-ին Տարրական բաժինի Բ. դասարաններու աշակերտները հայերէնի դասապահերուն դարձան մէկական սերմնացաններ իրենց դասի հերոսին՝ Արային նման։ Անոնք Պրն. Վարդգէսին գլխաւորութեամբ ցանեցին բողկ, ազատքեղ, ծոթրին եւ թրթնջուկ։ Աշակերտները յոյս ունին, որ մէկ ամիս ետք ցանքը կը հնձեն։
Հայերէնի դասապահուն, Համօ Սահեանի «Խաչքար» բանաստեղծութիւնը սերտելէ ետք, Դ. դասարաններու աշակերտները աւելի եւս ծանօթանալու համար հայկական ծագում ունեցող այս ստեղծագործութեան, դիտեցին խաչքարերու նկարներ եւ Երկուշաբթի 31 Հոկտեմբեր 2011-ին, իրենց ուսուցչուհիին հետ կատարեցին ձեռային աշխատանք մը։ Աշակերտներէն իւրաքանչիւրը կաւով պատրաստեց խաչքար մը եւ իր հնարամտութեամբ զարդարեց ու գեղեցկացուց զայն։…
Ուրբաթ, 28 Հոկտեմբեր 2011-ին, Ե. դասարանի աշակերտները Ֆրանսերէն լեզուի բանաւոր արտայայտութեան պահուն ներկայացուցին խմբական աշխատանքներով կատարած իրենց խոյզերը։ Աշակերտները ցուցադրեցին իրենց պատրաստած տեղեկատուական որմազդը եւ նկարներ, միաժամանակ փոխանցեցին տեղեկութիւններ արեգակնային դրութեան մասին, այսպիսով ամրապնդելով ֆրանսերէն լեզուով ստացած իրենց բառամթերքն ու գիտելիքները։ Նոյնանման ներկայացումներ տեղի պիտի ունենան ամսական դրութեամբ։
Չորեքշաբթի, 26 Հոկտեմբեր 2011-ին նախակրթարանի Դ. դասարանի աշակերտները իրենց Հայոց Պատմութեան ուսուցչուհիին ընկերակցութեամբ այցելեցին Պէյրութ մայրաքաղաքի կեդրոնը գտնուող պատմական հնութիւններու վայրը։ Անոնք դիտեցին յայտնաբերուած հնութիւնները եւ ստացան համապատասխան բացատրութիւններ։ Այս այցելութեամբ աշակերտները ամրապնդեցին Հայոց Պատմութեան նախապատմական շրջանի դասին ընդմէջէն հնութիւններու եւ պեղումներու վերաբերող իրենց ստացած գիտելիքները։
Մանկապարտէզի աշակերտները «հիւրընկալեցին» շնիկ մը: Անոնք մօտէն ծանօթացան ընտանի այս անասունին արտաքինին եւ յատկութիւններուն: Փոքրիկները ուրախութեամբ ու խանդավառութեամբ դիտեցին շնիկը։ Ոմանք համարձակութեամբ ու անվախօրէն մօտեցան անոր, շոյեցին, խաղացին եւ ի վերջոյ շնիկի մասին իրենց սորված երգով հրաժեշտ տուին անոր։
Հինգշաբթի, 27 Հոկտեմբեր 2011-ին Նորսիկեան մանկապարտէզի կանաչ դասարաններու աշակերտները այցելեցին Պայթարեան հաստատութիւն՝ դիտելու կարի գործիքները։ Աշակերտները շրջեցան հաստատութեան զանազան յարկերը եւ ծանօթացան դերձակին աշխատանքի հանգրուաններուն։ Այցելութեան աւարտին, տեղի ունեցաւ հիւրասիրութիւն գործարանի բակին մէջ ։
Կազմակերպութեամբ ՀՅԴ Զաւարեան Ուսանողական Միութեան, Ուրբաթ, 28 Հոկտեմբեր 2011-ին, երեկոյեան ժամը 8:00-ին, «Ազդակ»ի «Փիւնիկ» սրահին մէջ տեղի ունեցաւ 2010-2011 տարեշրջանի պաքալորէայի քննութիւններուն գերազանց նիշ ապահոված աշակերտներու պարգեւատրման հանդիսութիւնը։ Ճեմարանէն 8 շրջանաւարտներ պարգեւատրուեցան Ֆրանսական պաքալորէային իրենց արձանագրած գերազանց արդիւնքներուն համար. Գիտական բաժինէն՝ Առաքելեան Անի (շատ լաւ), Աբրահամեան Լոռի (շատ…
Հայոց Պատմութեան դասին ծիրէն ներս, Դ. դասարաններու աշակերտները Երեքշաբթի, 25 Հոկտեմբեր 2011-ին առիթը ունեցան ծանօթանալու Պրն. Րաֆֆի Թոքաթլեանին, որ 2011-ի ամրան լիբանանցի լեռնագնացներու հետ բարձրացած էր Արարատ լեռ։ Տեսերիզի եւ նկարներու ցուցադրութեամբ ան աշակերտներուն պատմեց իր փորձառութիւնը, որ տեւած էր 5 օր՝ հանգրուանային ձեւով։ Միաժամանակ Րաֆֆի Թոքաթլեան անդրադարձաւ…
Ճեմարանի շրջանաւարտ , ՀՄԸՄ-Պէյրութի եւ Լիբանանի աղջկանց փինկ փոնկի ազգային խումբին մաս կազմող Դուին Մումջօղլեան իր մասնակցութիւնը բերելէ ետք Յորդանանի մէջ կայացած Արեւմտեան Ասիոյ փինկ փոնկի զտումի մրցումներուն, ապահովեց իր տոմսը 2012-ի Լոնտոնի ողիմպիական խաղերուն։ Ճեմարանի մեծ ընտանիքը կը շնորհաւորէ Դուին Մումջօղլեանը եւ յաջողութիւն կը մաղթէ անոր։
Ուրբաթ, 21 Հոկտեմբեր 2011-ին տարրական բաժինի երկրորդ դասարանի աշակերտները դպրոց եկան իրենց հետ բերելով աշնան բարիքներ՝ թարմ պտուղներ։ Հայերէնի դասապահուն, ուսուցիչներու օգնութեամբ, անոնք պատրաստեցին թարմ պտուղի աղցան։ Աշակերտները խանդավառութեամբ մասնակցեցան աղցանի պատրաստութեան։ Եւ որովհետեւ բոլորը աշխատեցան, բոլորը ճաշակեցին թարմ պտուղներով պատրաստուած համեղ աղցանը։
