Երկուշաբթի, 23 Սեպտեմբեր 2024-ին տեղի ունեցաւ Համազգայինի Մ. եւ Հ. Արսլանեան Ճեմարանի անձնակազմի վերամուտի ժողովը, վերանորոգուած «Պոլեան» սրահին մէջ: Ճեմարանի տնօրէն Փաուլա Եղիայեան անցնող տարեշրջանի իրագործումներուն մասին հակիրճ ակնարկէ մը ետք, անդրադարձաւ 2024-2025 տարեշրջանին վերաբերող փոփոխութիւններուն եւ նորութիւններուն: Ան ողջունեց դպրոցի անձնակազմին միացած ուսուցիչները եւ փոխանցեց Ճեմարանի կրթական…
Ուրախութեամբ եւ հպարտութեամբ կը յայտնենք, որ Արարատի գագաթը նուաճած Ճեմարանի շրջանաւարտներուն երթը կը շարունակուի, այս անգամ միջնակարգի աշակերտներ Հարպոյեան եղբայրները իրագործեցին իրենց երազը եւ հասան գագաթ: Ստորեւ Հարպոյեան եղբայրներուն տպաւորութիւններէն մէջբերումներ. «Հպարտ եմ այս իրագործումով, որ կեանք մը կ’արժէ եւ քայլ մը աւելի հայ կը դարձնէ»։ (Կարի Քանըր…
Չորեքշաբթի, 6 Օգոստոս 2024-ին Ճեմարան այցելեցին Նիւ Եորքի Ս. Լուսաւորիչ Մայր եկեղեցւոյ հոգեւոր հովիւ Տէր Մեսրոպ Քհնյ. Լագիսեան եւ իր եղբայրը` Այնճարի թաղապետ Յարութ Լագիսեան։ Անոնք հանդիպում ունեցան տնօրէնութեան եւ Ճեմարանի հանրային կապերու գրասենեակի պատասխանատուին հետ եւ շրջեցան Ճեմարանի զանազան բաժանմունքները։ Յայտնենք, որ տէր Մեսրոպ Լագիսեան միշտ քաջալեր…
Համազգայինի Մ. եւ Հ. Արսլանեան Ճեմարանի տնօրէնութիւնը խոր ցաւով կը գուժէ Ճեմարանի շրջանաւարտ եւ վաղեմի ուսուցիչ, մտաւորական ՅԱՐՈՒԹԻՒՆ ՔԻՒՐՔՃԵԱՆի մահը, որ պատահեցաւ Հինգշաբթի, 8 Օգոստոս 2024-ին։ Տնօրէնութիւն
Համազգայինի Մ. եւ Հ. Արսլանեան Ճեմարանի տնօրէնութիւնը կը գուժէ Ճեմարանի շրջանաւարտ եւ երկար տարիներու գրականութեան ուսուցչուհի ՇՈՒՇԻԿ ՏԱՍՆԱՊԵՏԵԱՆի մահը, որ պատահեցաւ Երեքշաբթի, 16 Յուլիս 2024-ին։ Տնօրէնութիւն
Երեքշաբթի, 8 Յուլիս 2024-ին, Ճեմարան այցելեց «Արշաւիր եւ Հերմինէ Յովսէփեան» կրթական մրցանակի հիմնադիր Դոկտ. Վիգէն Յովսէփեան: Ան հանդիպում ունեցաւ տնօրէնութեան հետ, ջերմ զրոյցի մը ընթացքին իրազեկ դարձաւ Ճեմարանի լուրերուն եւ վերյիշեց Ճեմարանի մէջ իր մանկութեան եւ պատանեկութեան օրերը, նախքան իր արտագաղթը Լիբանանէն:
Համազգայինի Մ. եւ Հ. Արսլանեան Ճեմարանի տնօրէնութիւնը ուրախութեամբ կը յայտնէ, որ 2023-2024 տարեշրջանի աւարտական դասարանի ֆրանսական պաքալորէայի քննութիւններուն ներկայացած 25 աշակերտները յաջողած են (100 առ հարիւր): 20 աշակերտներ արժանացան յիշատակութեան (3 շատ լաւ, 6 լաւ, 11 բաւական լաւ): Ստորեւ աշակերտներուն անուանացանկը. Ազատեան Արէն Հայկ (բաւական լաւ), Աճէմեան Սէրլա…
Հինգշաբթի, 20 Յունիս 2024-ի երեկոյեան ժամը 7:00-ին Համազգայինի Մ. եւ Հ. Արսլանեան Ճեմարանի «Տոքթ. Ատրինէ Գարագաշեան» մարզամշակութային սրահին մէջ տեղի ունեցաւ ԺԲ. աւարտական դասարանի վկայականներու բաշխման հանդիսութիւնը, ներկայութեամբ Լիբանանի Հայոց Թեմի Առաջնորդ Գերաշնորհ Տէր Շահէ Արքեպիսկոպոս Փանոսեանի, պետական դէմքերու, քաղաքական կուսակցութիւններու, մարմիններու եւ միութիւններու ներկայացուցիչներու, հայկական վարժարաններու տնօրէններու,…
Երեքշաբթի, 18 Յունիս 2024-ին, երեկոյեան ժամը 7:00-ին, Համազգայինի Մելանքթոն եւ Հայկ Արսլանեան Ճեմարանի «Տոքթ. Ատրինէ Գարագաշեան» սրահէն ներս տեղի ունեցաւ ՀՕՄ-ի Նորսիկեան Մանկապարտէզի ամավերջի հանդէսը, ներկայութեամբ Ճեմարանի անձնակազմին, Համազգայինի Կեդրոնական Վարչութեան, Ճեմարանի խնամակալութեան, ծնողներու, բարեկամներու եւ շրջանաւարտներու: Բացման խօսքը կատարեց մանկապարտիզպանուհի Թալին Եահնիեան: Ան ողջունեց ներկաները եւ ըսաւ….
Այս տարի, Ե. դասարանի աշակերտներս ծանօթացանք մեր հայրենիքին՝ Հայաստանի աշխարհագրութեան: Մեր հայրենիքը ժամանակին շատ ընդարձակ եղած է: Դարեր շարունակ մեր նախահայրերը հոն ապրած են. անոնք զարգացուցած ու շէնցուցած են այդ հողը եւ հոն ստեղծած են պետականութիւն: Մեր հայրենիքը՝ Հայկական լեռնաշխարհէն մինչեւ Միջերկրականեան Հայաստան (Կիլիկիա), անգամ օտարները շարունակեր են…
Շաբաթ, 8 Յունիս 2024-ին, մանկապարտէզի Վարդագոյն դասարանի փոքրիկները նշեցին մամաներու եւ պապաներու տօնը։ Փոքրիկները իրենց երգերով, պարերով եւ խօսքերով խանդավառեցին ներկաները։
Հինգշաբթի, 6 Յունիս 2024-ին, Ա. դասարանի փոքրիկները երգերով, պարերով եւ արտասանութիւններով նշեցին մայրերու տօնը։ Անոնք իրենց մամաներուն հետ զանազան խաղեր խաղացին ստեղծելով հաճելի մթնոլորտ մը։ Հաւաքոյթի աւարտին, տեղի ունեցաւ հիւրասիրութիւն։
