Առաջին կիսամեակի աւարտին, երբ Ե. դասարաններու աշակերտները արդէն իսկ ծանօթ էին Լիբանանի հողային տարածքին եւ անոր բոլոր մուհաֆազաներուն ու քատաներուն (մարզերուն եւ անոնց վարչական բաժանումներուն)՝ դասարանէն ներս վիճակաձգութեան միջոցով որոշուեցաւ ամէն մէկ աշակերտի կատարելիք խոյզին նիւթը … Այդ խոյզին մէջ պէտք էր ներկայացուէր լիբանանեան շրջան մը եւ յիշել,…
Կազմակերպութեամբ Ընկերային Ծառայութեան գրասենեակին, Ճեմարանի շրջանաւարտ սննդագէտ Նանի Գալուստեան նախակրթարանի Ե. դասարանի աշակերտներուն խօսեցաւ առողջ սննդականոնի մասին: Ան ըսաւ, որ սննդականոնը պէտք է մաս կազմէ մեր կենցաղին ոչ միայն բարեձեւ մարմին ունենալու, այլեւ շատ մը հիւանդութիւններ կանխարգիլելու համար: Աշակերտները հետաքրքութեամբ հետեւեցան բացատրութիւններուն եւ ստացան իրենց հարցումներուն պատասխանները:
Շնորհաւոր Բարեկենդան, բարով հասնինք սուրբ Յարութեան: Բարեկենդան կը նշանակէ բարի կեանք, երջանիկ կեանք: Ան կը խորհրդանշէ ձմրան աւարտը եւ գարնան գալուստը: Հայերը Բարեկենդանը կը տօնեն հայկական բոլոր գաւառներուն մէջ զանազան ձեւերով: Բարեկենդանին բնութեան բերքն ու բարիքը հարստացնելու, չար ուժերը չէզոքացնելու նպատակով շարք մը ծէսեր կը կատարեն: Փակեալ խորանին…
Տարրական բաժինի աշակերտները երգերով, պարերով եւ դիմակներ պատրաստելով կը նշեն բարեկենդանը։
Ընկերային կազմաւորման ծրագրի ծիրէն ներս, կազմակերպութեամբ Ընկերային Ծառայութեան գրասենեակին, Չորեքշաբթի, 26 Փետրուար 2025-ին, Համազգայինի մանկավարժական արդիական ծրագիրներու պատասխանատու Արին Գալուստեան տարրական բաժինի Գ. դասարանի աշակերտներուն բացատրութիւններ տուաւ կեդրոնացումի եւ ընդհանուր զարգացման համար խաղի անհրաժեշտութեան եւ խաղերու տեսակներուն մասին: Ապա ան անդրադարձաւ համակարգչային խաղերուն եւ վերջապէս անոնց ծանօթացուց Համազգայինի…
Տարրական բաժինի Ա.,Բ.,Գ., դասարաններու աշակերտները Երկուշաբթի, 3 Մարտ 2025-ին, նշեցին իրենց դպրոցին տարեդարձը ուրախ մթնոլորտի մէջ։ Անոնք դիտեցին տեսերիզ մը, ուր աւելի մօտէն ծանօթացան իրենց դպրոցին անցեալին ու ներկային, որմէ ետք մտային խաղերու ընդմէջէն ամրապնդեցին իրենց գիտելիքները։ Աշակերտները նաեւ պատրաստեցին օրուան խորհուրդին վերաբերող էջացոյցեր։
Նախակրթարանի Դ. Ե. Զ. դասարաններու աշակերտները մեծ խանդավառութեամբ նշեցին դպրոցին 95-րդ տարեդարձը։ Անոնք դիտելէ ետք այդ առիթով պատրաստուած յատուկ տեսերիզ մը, բաժնուեցան խմբակներու եւ սկսան փնտռելու նախապէս պահուած գանձեր դպրոցին տարածքին, որմէ ետք այդ գանձերը քով-քովի բերելով կազմեցին Հայ Ճեմարանին ամբողջական պատմութիւնը։ Յայտագրին աւարտին աշակերտները Տիկ. Շաղիկ Մկրտիչեանին…
Երկուշաբթի, 3 Մարտ 2025-ի առաւօտեան մանկապարտէզի փոքրիկները մեծ խանդավառութեամբ նշեցին Վարդանանց տօնը։ Անոնք երգեցին եւ արտասանեցին Վարդանին նուիրուած գեղեցիկ կտորներ։ Տօնական տրամադրութիւնը շարունակուեցաւ բակին մէջ, ուր անոնք հաւաքուեցան՝ նշելու Ճեմարանի 95-ամեակը։ Փոքրիկները մեծ սիրով լծուեցան աշխատանքի՝ զարդարելով Ճեմարանի գիրերը եւ ջահը։ Ապա, երգելով ու պարելով իրենց ուսուցիչներուն հետ,…
Երկուշաբթի, 3 Մարտ 2025-ին, Ճեմարանի դասաւանդութիւնները դադրեցան ժամը 11:00-ին: Բոլոր աշակերտները, ուսուցիչները եւ պաշտօնէութիւնը հաւաքուեցան «Տոքթ. Ատրինէ Գարագաշեան» սրահ, ուր նշեցին Ճեմարանի հիմնադրութեան (3 Մարտ, 1930) 95-ամեակը: Բացման խօսքը հայերէն եւ ֆրանսերէն լեզուներով ընթերցեց աւարտական դասարանէն Հրակ Գէորգեան: Ապա խօսք առաւ Ճեմարանի տնօրէն Փաուլա Եղիայեան եւ անդրադարձաւ օրուան…
ՃԵՄԱՐԱՆԸ՝ 95 ՏԱՐԵԿԱՆ Համազգայինի Հայ Ճեմարանը հիմնուած է 3 Մարտ 1930-ին, Պէյրութի մէջ եւ այսօր, 95 տարիներ ետք, 3 Մարտ 2025-ին, ան կը դառնայ 95 տարեկան: 95 տարիներէ ի վեր, Հայ Ճեմարանը կառչած կը մնայ իր նպատակին՝ նորահաս սերունդներուն տալով ընդհանուր կրթութիւն եւ հայեցի դաստիարակութիւն: Իր հիմնադիրներուն՝…
Հովանաւորութեամբ Լիբանանի հայոց թեմի առաջնորդ Շահէ արք. Փանոսեանի, կազմակերպութեամբ Լիբանանի հայոց թեմի Ուսումնական խորհուրդին, Ուրբաթ, 21 Փետրուար 2025-ի երեկոյեան ժամը 7:00-ին Ազգային առաջնորդարանի «Երջօ Սամուէլեան-Եռագոյն» սրահին մէջ տեղի ունեցաւ «Մհեր Ջուլհաճեան» աշակերտական շարադրական մրցումի 2023-2024 տարեշրջանին մրցանակաբաշխութիւնը: Սելին Քիլէճեան (երկրորդական բաժինէն) եւ Մեղրի Գասապեան (միջնակարգէն) հանդիսացան առաջին, իսկ…
Կիրակի, 16 Փետրուար 2025-ին, տեղի ունեցան ՀՄԸՄ ԼԵՎԱՄ-ի յանձնախումբին փինկ փոնկի մրցումները` Ազգային Եղիշէ Մանուկեան քոլեճի «Սիրան Մանուկեան» սրահին մէջ: Ճեմարանի աշակերտները ապահովեցին փայլուն արդիւնքներ: Ստորեւ մրցանակակիր աշակերտներուն անունները. 10 տարեկանէն վար տղաք՝ Արսէն Մարատեան (առաջին), Արա Քըպրանեան (երկրորդ), Ժորժ Պալանեան (երրորդ) 10 տարեկանէն վար աղջիկներ՝ Սէրլի Սիւմպիւլեան…
