Հայկական տօնացոյցին մէջ Փետրուար ամիսը հարուստ է բազմաթիւ տօներով։ Այդ տօներէն Սուրբ Սարգիսը` իբրեւ սիրոյ բարեխօս տօն, միջնակարգի Թ. դասարանի աշակերտներուն համար դարձաւ դասաւանդութեան նիւթ, այսինքն` աշակերտները սորվեցան քնարերգական սեռը, վերլուծեցին սիրոյ նուիրուած բանաստեղծութիւններ եւ ըստ կարելիութեան ունկնդրեցին այդ բանաստեղծութիւններուն երգերը։ Սոյն դասանիւթի ծիրէն ներս, Հինգշաբթի, 13 Փետրուար…
Չորեքշաբթի, 12 Փետրուար 2025-ին, միջնակարգի Ը. դասարանի աշակերտները իրենց հետ բերած էին այս ամսուան տօներուն առնչուած տեղեկութիւններ եւ նկարներ։ Աշակերտները հաւաքուեցան «Չալեան» սրահին մէջ, ուր իւրաքանչիւր խումբ պատրաստեց նախօրօք պահանջուած նիւթը։ Ապա աշակերտները բարձրացան դասարան եւ ներկայացուցին իրենց աշխատանքները, ապա զանոնք զետեղեցին դասարանին ցուցատախտակին վրայ։
Փետրուար ամսուան ընթացքին, Թումանեան գրադարանէն ներս տեղի ունեցաւ «Սուտոքու»-ի մրցաշարք, որուն մասնակցեցան տարրական բաժինի դասարաններէն աշակերտներ։ Իւրաքանչիւր աշակերտ փորձեց լուծել իր տարիքին համեմատ «սուտոքու»-ի խնդիր մը։ Մրցաշարքի աւարտին բոլոր մասնակցող աշակերտները ստացան յատուկ «badge»-եր, իսկ յաղթողները՝ խորհրդանշական նուէրներ։
Հինգշաբթի, 13 Փետրուար 2025-ին, հայերէնի լեզուի դասանիւթի ծիրէն ներս, Ճեմարան այցելեց Հայր Աւետիք Տէր Կարապետեան եւ նախակրթարանի Դ. դասարաններու աշակերտներուն ներկայացուց Տեառնընդառաջի, Վարդանանց հերոսամարտի եւ Պահքի խորհուրդները: Աշակերտները մեծ հետաքրքրութեամբ հետեւեցան պատմական տեղեկութիւններուն՝ Տեառնընդառաջի տօնի սովորութիւններուն եւ աւանդութիւններուն: Անոնք բացատրութիւնները եւ նոր գիտելիքները ամբարած խոստացան մնալ հայրենասէր ու…
Ուրբաթ, 7 Փետրուար 2025-ին, Հայաստանի AUA համալսարանի ընդունման գրասենեակէն Ճեմարան ներկայացաւ Մեղրի Խօշեան եւ ԺԲ. դասարաններու աշակերտներուն ներկայացուց համալսարանի տարբեր մասնագիտութիւնները, ինչպէս նաեւ խօսեցաւ զեղչի դրութեան եւ Հայաստան ապրելու կարելիութիւններուն մասին:
Հինգշաբթի, 30 Յունուար 2025-ին, Նորսիկեան մանկապարտէզի կապոյտ դասարանի փոքրիկները այցելեցին Մթայլէպի «Spinneys» հանրախանութը նախաճաշի սննդարար նիւթեր գնելու համար։ «Spinneys»-ի անձնակազմը փոքրիկներուն հիւրասիրեց կրկնեփուկ եւ հիւթ։ Յաջորդ օրը, առաւօտեան փոքրիկները միասնաբար նախաճաշեցին։
Ընկերային ծառայութեան աշխատանքներուն ծիրէն ներս, տարրական բաժինի Բ. եւ Գ. դասարաններու աշակերտները հետաքրքրական խաղի մը ընդմէջէն աւելի մօտէն ծանօթացան իրարու։ Իւրաքանչիւր աշակերտ փորձեց ճանչնալ, թէ «Ո՞վ է դասընկերս կամ դասընկերուհիս»։
Չորեքշաբթի, 29 Յունուար 2025-ին, կազմակերպութեամբ Ընկերային Ծառայութեան Գրասենեակին, ընկերային կազմաւորման ծրագիրի ծիրին մէջ, տարրական բաժինի Գ. դասարանի աշակերտներուն հետ տեղի ունեցաւ զրոյց-դասախօսութիւն մը «բարիք գործել եւ լաւ յատկանիշներ գտնել մեր ընկերներուն մէջ» նիւթով: Դասախօսն էր Ճեմարանի շրջանաւարտ ուղղավարժ Մեղեդի Սնապեան։ Ան խաղերու ընդմէջէն, մանկավարժական մօտեցումով հետաքրքրական դարձուց նիւթը։…
Կեանքի հմտութիւններ եւ ընկերային կազմաւորման ծրագիրի ծիրին մէջ, Ճեմարանի շրջանաւարտ հոգեբան Քրիսթել Աճէմեան տարրական բաժինի Ա. դասարանի աշակերտներուն խօսեցաւ ապահով եւ առողջ շրջապատի մասին: Ան շեշտեց լաւ ընկերոջ յատկանիշները եւ բացատրեց, թէ ի՛նչպէս պէտք է զգուշանալ օտարներէ: Ապա աշակերտները կատարեցին նիւթին վերաբերող աշխատանք մը:
Ընկերային կազմաւորման ծրագիրի ծիրին մէջ, հոգեբանութեան վերջին տարուան ուսանող Սեւակ Հապէշեան նախակրթարանի Ե. դասարանի աշակերտներուն հետ զրուցեց մտային առողջութեան կարեւորութեան մասին: Ան շեշտեց, որ ինչպէս երբ ֆիզիքապէս հիւանդանալու պարագային կ’այցելենք բժիշկին, նոյնպէս ալ հոգեբանին ներկայութիւնը կարեւոր է մեր կեանքին մէջ:
Ընկերային կազմաւորման ծրագիրի ծիրին մէջ, տարրական բաժինի Գ. դասարանի աշակերտներուն հետ Ճեմարանի ընկերային ծառայողներէն Սիլվա Սողոմոնեան զրուցեց որոշ հասցէներ եւ թիւեր գիտնալու կարեւորութեան մասին, ինչպէս՝ իրենց տան հասցէն բացատրել օտար լեզուով, ծնողներէն մէկուն հեռաձայնի թիւը գիտնալ, նաեւ երեք կարեւոր թիւեր՝ հրշէջ, հիւանդատար ինքնաշարժ եւ ոստիկանատուն: Աշակերտները այս նիւթով…
Ընկերային կազմաւորման ծրագիրի ծիրին մէջ, Ճեմարանի ուղղավարժ Արազ Քալաշեան տարրական բաժինի Բ. դասարանի աշակերտներուն խօսեցաւ իւրաքանչիւր աշակերտի տարբեր հետաքրքրութիւններուն եւ կարողութիւններուն մասին: Աշակերտները դիտեցին այս նիւթով տեսերիզ մը, ապա ձեռային աշխատանքով մը ամրապնդեցին իրենց ստացած գիտելիքները:
