Արաբերէն լեզուի դասանիւթի ծիրէն ներս, Երեքշաբթի, 10 Մայիս 2016-ին, միջնակարգի Է. դասարանի աշակերտները ուղղուեցան դէպի Տէյր Ըլ Ամար եւ այցելեցին «Մարի Պազ» թանգարանը, ուր կը գտնուին Լիբանանի պատմութեան մէջ մեծ դերակատարութիւն ունեցած լիբանանցի թէ համաշխարհային անձնաւորութիւններու մոմէ արձանները: Աշակերտները ուղեցոյցի մը ընկերակցութեամբ շրջեցան թանգարանին մէջ եւ ամրապնդեցին իրենց…
Մեծի Տանն Կիլիկիոյ Կաթողիկոսութեան «Խաչիկ Պապիկեան» Հիմնադրամի եւ Կրթական-Հայագիտական Բաժանմունքի կազմակերպած Հայ Լեզուի ու Գրականութեան, Հայոց Պատմութեան, Մշակոյթի ու Կրօնագիտական նիւթերու եւ Ասմունքի մրցանքներու մրցանակաբաշխութիւնը տեղի ունեցաւ Կիրակի, 15 Մայիս 2016-ի կէսօրին: Ստորեւ Ճեմարանի մրցանակակիր աշակերտներուն անունները. Երկրորդական բաժինի «Հայ լեզուի եւ գրականութեան» մրցանք.- Սերուժեան Նարօտ՝ երկրորդ, Յովսէփեան…
Հինգշաբթի, 12 Մայիս 2016-ին, տարրական բաժինի Բ. եւ Գ. դասարաններու աշակերտները ներկայ գտնուեցան Համազգայինի «Կարկաչ» երգչախումբի աւանդական ելոյթին։ «Կարկաչ»ը անշէջ կայծ մը եւս աւելցուց հայ երգի տարածման առաքելութեան մէջ:
Չորեքշաբթի, 11 Մայիս 2016-ին տարրական բաժինի առաջին դասարանի աշակերտները այցելեցին «Wooden Bakery»։ Անոնք մեծ հետաքրքրութեամբ դիտեցին «հացին պատմութիւնը»։ Աշակերտները ամրապնդեցին իրենց գիտելիքները, եւ իւրաքանչիւրը հաց ու կարկանդակներով լեցուն տուփիկ մը նուէր ստացած վերադարձաւ դպրոց:
Չորեքշաբթի, 11 Մայիս 2016-ին, նախակրթարանի Ե. եւ Զ. դասարաններէն խումբ մը աշակերտներ մասնակցեցան Հայկական Բարեգործական Ընդհանուր Միութեան «Խօսնակ» պաշտօնաթերթի խմբագրութեան կազմակերպած արտասանութեան եւ գծագրութեան մրցումին՝ Ահրամճեան Կեդրոնէն ներս: Զ. դասարաններու արտասանութեան մրցումին երրորդ հանդիսացաւ Լոռի Եահնիեան: Զ. դասարաններու գծագրութեան մրցումին առաջին հանդիսացաւ Ռիթա Սեմերճեան, իսկ Գարին Քիլէճեան առաջին…
Հինգշաբթի, 5 Մայիս 2016-ին, տարրական բաժինի Բ. դասարանի աշակերտները Համբարձման տօնը նշեցին դպրոցէն ներս։ Հայերէնի դասապահուն, աշակերտները 7 «աղբիւր»է ջուր լեցուցին խորունկ ամանի մէջ, վիճակ ձգեցին, երգեցին ու պարեցին։
Չորեքշաբթի, 27 Ապրիլ 2016-ին, միջնակարգի Թ. դասարաններու աշակերտներուն դպրոցական տարեշրջանը աւարտեցաւ։ Կէսօրուան ժամը 1։00-ին, աշակերտները իրենց ուսուցիչներուն ընկերակցութեամբ այցելեցին Նորսիկեան մանկապարտէզի պարտէզը, ուր միասնաբար ճաշեցին եւ Գարին Այնթապլեանին հրաժեշտի կարկանդակը հատեցին: Հաճելի ժամ մը անցընելէ ետք, աշակերտները մեկնեցան դպրոցէն՝ պատրաստուելու համար պետական քննութիւններուն։ Յաջողութիւն կը մաղթենք բոլորին։
Հովանաւորութեամբ Լիբանանի հայոց թեմի առաջնորդ Շահէ եպս. Փանոսեանի, կազմակերպութեամբ Ազգային իշխանութեան Ուսումնական խորհուրդին, Չորեքշաբթի, 4 Մայիս 2016-ի երեկոյեան ժամը 7:00-ին, «Ազդակ»-ի «Փիւնիկ» սրահին մէջ կատարուեցաւ 28 Նոյեմբեր 2015-ին տեղի ունեցած «Մհեր Ջուլհաճեան» միջդպրոցական շարադրական մրցանքի մրցանակաբաշխութիւնը` ներկայութեամբ` գաղութի պատկան մարմիններու ներկայացուցիչներուն, մասնակից աշակերտներուն, տնօրէններու, ուսուցիչներու եւ ծնողներու: Ճեմարանի…
Ընկերային ծառայութեան գրասենեակի ծրագիրներու ծիրէն ներս, Երեքշաբթի, 26 Ապրիլ 2016-ին նախակրթարանի Զ. դասարանի աշակերտները ուղղուեցան դէպի «Թռչնոց բոյն»ի մանկապարտէզը, ուր կը յաճախեն 8 աշակերտներ: Ճեմարանի աշակերտները մեծ գոհունակութեամբ իրենց բերած ուտելիքներն ու նուէրները յանձնեցին անոնց, ապա միասնաբար ժամանակ անցուցին: Զ. դասարանի դաստիարակ՝ Նորա Թաշճեան, աշակերտներուն ներկայացուց «Թռչնոց բոյն»ի պատմութիւնը: Ապա…
Կազմակերպութեամբ «Վանայ ձայն»-ին եւ հովանաւորութեամբ Մարաշի հայրենակցական միութեան Շաբաթ, 30 Ապրիլ 2016-ին, երեկոյեան ժամը 5:00-ին, «Ազդակ»-ի «Փիւնիկ» սրահին մէջ տեղի ունեցաւ «Ճիշդ հնչենք» յայտագիրի աւարտական հանգրուանն ու մրցանակաբաշխութիւնը, որ ուղղակիօրէն ձայնասփռուեցաւ «Վանայ ձայն»-էն: Զ. դասարանէն մրցանակակիր դարձաւ Մարիա Գափլանեանը, որ հանդիսացաւ երկրորդ: Մանրամասնութիւնները կարդալ այստեղ:
Հինգշաբթի, 28 Ապրիլ 2016-ին, Ազգ. «Յառաջ» վարժարանի ԺԱ. դասարանի աշակերտները այցելեցին Ճեմարան: Անոնք նախ շրջեցան դպրոցին մէջ, ապա Ճեմարանի ԺԱ. դասարանի աշակերտներուն հետ բարձրացան սրահ, ուր տեղի ունեցաւ զարգացման մրցում: Երկու դպրոցներու աշակերտները Հայաստանի քաղաքներուն անունները կրող 10 խումբերու բաժնուած՝ խանդավառութեամբ մասնակցեցան մրցումին, որմէ ետք միասնաբար նախաճաշեցին, ապա…
