Ուրբաթ, 6 Նոյեմբեր 2015-ին Երեւանի Պետական Համալսարանի պատուիրակութիւնը այցելեց Ճեմարան: Հայրենի հիւրերը գրադարանէն ներս հանդիպում ունեցան դպրոցի տնօրէնութեան եւ անձնակազմին հետ: Ճեմարանի տնօրէն Տիգրան Ճինպաշեան ողջունեց հիւրերը անդրադառնալով, որ Ճեմարանի եւ Երեւանի Պետական Համալսարանի կապը կու գայ շատ հինէն՝ կրթական զոյգ հաստատութիւններու հասարակաց հիմնադիր Նիկոլ Աղբալեանի շնորհիւ: Ան…
Ամերիկեան համալսարանի (A.U.B.) ընդունման գրասենեակէն Սապին Մելքիսէթեան ներկայացաւ Ճեմարան եւ ԺԲ. դասարանի աշակերտներուն խօսեցաւ A.U.B.-ի մուտքի պայմաններուն մասին: Ան պաստառի վրայ ցոյց տուաւ A.U.B.-ի տարբեր բաժիններն ու մասնագիտութիւնները: Վերջաւորութեան աշակերտները ստացան զիրենք մտահոգող հարցերուն լուսաբանական պատասխաններ:
ՀՄԸՄ-ի Լիբանանի Շրջանային Վարչութեան ԼԵՎԱՄ-ի յանձնախումբին 2015 – 2016 տարեշրջանի յայտագիրներու առաջին հանգրուանը տեղի ունեցաւ Կիրակի, 1 Նոյեմբեր 2015-ին, Վարդգէս Էսկիպաշեանի անուան «Քրոս Քաունթրի»-ն, Պուրճ Համուտի քաղաքապետարանի մարզադաշտին վրայ: Ստորեւ Ճեմարանի աշակերտներուն արձանագրած արդիւնքները. 2006 / 2007-ի ծնունդ աղջիկներ.- Քլէա Արապաղեան (երրորդ) 2006 / 2007-ի ծնունդ տղաք.- Հրակ…
Երկուշաբթի, 2 Նոյեմբեր 2015-ին, ֆրանսերէն լեզուի դասանիւթի ծիրէն ներս աւարտելէ ետք «խոհագիր»ի բնաբանը, նախակրթարանի Դ. դասարաններու աշակերտները ներկայացումներ կատարեցին: Աշակերտները ֆրանսերէն լեզուով ներկայացուցին զանազան խոհագիրներ եւ հիւրասիրեցին իրենց ընկերները:
Հոկտեմբեր ամսուն, կանաչ դասարաններու աշակերտներուն «պապա»ները այցելեցին մանկապարտէզ: Անոնք ծանօթացան իրենց զաւակներուն դասընկերներուն եւ դասարանին, ապա իւրաքանչիւրը ներկայացուց իր գործը: Մտերմիկ մթնոլորտի մէջ ճաշակելէ ետք փոքրիկներուն կողմէ նախօրօք պատրաստուած կրկնեփուկները, «պապա»ները ուրախ տրամադրութեամբ մեկնեցան դպրոցէն:
Շաբաթ, 10 Հոկտեմբեր 2015-ին, երկրորդական բաժինի ԺԱ. դասարանի աշակերտներէն՝ Սանան Թապաքեան, Սէրուժ Յովսէփեան, Նարօտ Սերուժեան, Բալիկ Ծատուրեան, Կայա Գարամինասեան եւ Բալիկ Տէր Խաչատուրեան մասնակցեցան USJ-ի կազմապերպած աշակերտական թարգմանութեան մրցանքին՝ արաբերէն, ֆրանսերէն կամ անգլերէն լեզուներով: Աշակերտները ըստ իրենց նախընտրութեան կատարեցին տուեալ աշխատանքը: Անոնք աւարտին ստացան յիշեալ մասնագիտութեան վերաբերող տեղեկատուական…
Հոկտեմբեր ամսուն, մեկնելով «Մաման կը կարէ» դասէն, Նորսիկեան մանկապարտէզի կանաչ դասարաններու աշակերտները այցելեցին Պայթարեան հաստատութիւն։ Աշակերտները շրջեցան հաստատութեան զանազան յարկերը, դիտեցին կարի գործիքները եւ ծանօթացան դերձակին աշխատանքի զանազան հանգրուաններուն։ Այցելութեան աւարտին, տեղի ունեցաւ հիւրասիրութիւն գործարանի բակին մէջ։
Երեքշաբթի, 28 Հոկտեմբեր 2015-ին, ժամը 1:30-ին, տարրական բաժինի աշակերտները «Տոքթ. Ատրինէ Գարագաշեան» սրահին մէջ նշեցին թարգմանչաց տօնը: Առաջին, երկրորդ եւ երրորդ դասարաններու աշակերտները երգեր ու արտասանութիւններ նուիրեցին Մեսրոպ Մաշտոցին եւ թարգմանիչներու սերունդին: Ձեռնարկի աւարտին, ուրախ մթնոլորտը շարունակուեցաւ Սեպտեմբեր եւ Հոկտեմբեր ամիսներուն ծնած աշակերտներուն տարեդարձներու նշումով:
Երեքշաբթի, 27 Հոկտեմբեր 2015-ին, տարրական բաժինի Ա. դասարաններու աշակերտները ուղղուեցան դէպի Համազգայինի տպարան։ Անոնք հետաքրքրութեամբ ու հաճոյքով դիտեցին տպարանի գործիքները եւ մօտէն հետեւեցան տպագրական աշխատանքի ընթացքին։ Աշակերտները տպարանէն ուղղուեցան Կաթողիկոսարան, ուր դիտեցին հայերէն հրատարակութիւններ: Անոնք գնեցին զիրենք հետաքրքրող գիրքեր: Շնորհակալութիւն Համազգայինի «Վահէ Սէթեան» տպարանի տնօրէնութեան եւ Կաթողիկոսարանին, որ…
Հոկտեմբեր ամսուն մանկապարտէզի կանաչ դասարաններու աշակերտները իրենց ուսուցիչներուն ընկերակցութեամբ այցելեցին «Մուաաուատ» գրախանութը՝ ամրապնդելու համար գրախանութի վերաբերեալ իրենց գիտելիքներն ու բառամթերքը։ Անոնք շրջեցան գրախանութին զանազան բաժինները եւ դիտեցին գրենական պիտոյքները։ Այցելութեան աւարտին, աշակերտները նուէրներ ստացան գրախանութէն:
24 հոկտեմբեր 2015-ին Հրակ Լախեան պիտի մեկնի Յունաստանի Խալքիտիքի շրջանը` մասնակցելու ճատրակի աշխարհի տարիքային ախոյեանութեան: Հրակը պիտի ներկայացնէ Լիբանանը: Ան 11 տարեկան է, կը յաճախէ Համազգայինի Մելանքթոն եւ Հայկ Արսլանեան ճեմարան: Ան սկսած է ճատրակ խաղալ 7 տարեկանին: Երկու անգամ եղած է Լիբանանի ախոյեան, իսկ վերջին երկու տարիներուն…
Կազմակերպութեամբ ընկերային ծառայութեան գրասենեակին, Երեքշաբթի, 20 Հոկտեմբեր 2015-ին, N. D. U. համալսարանի ընդունման գրասենեակէն Գարլա Սֆէյր ԺԲ. դասարանի աշակերտներուն հակիրճ ձեւով ներկայացուց համալսարանի տարբեր մասնագիտութիւնները եւ ընդունման պայմանները: Ան քաջալերեց աշակերտները ընտրելու ժամանակակից մասնագիտութիւններ, որպէսզի նորութիւններ բերուին գործի բոլոր դաշտերուն մէջ:
