Հինգշաբթի, 21 Յունուար 2010-ին, Թ. դասարանի աշակերտները դիտեցին Թումանեանի «Գիքոր» պատմուածքին տեսերիզը: Անոնք իրենց հայերէնի դասանիւթին ընդմէջէն արդէն իսկ ծանօթ էին նիւթին: Աշակերտները մեծ հետաքրքրութեամբ դիտեցին ամբողջական պատմուածքը եւ ամրապնդեցին իրենց գիտելիքները այդ ժամանակաշրջանի վիրահայութեան ու հայ գիւղացիութեան կենցաղին մասին: Տեսերիզի ցուցադրութենէն ետք, դասարանէն ներս տեղի ունեցաւ քննարկում…
Կազմակերպութեամբ Ժամհուր վարժարանին եւ հովանաւորութեամբ Լիբանանի աթլեթիզմի ֆետերասիոնին, Պէյրութի մէջ տեղի ունեցան վազքի մրցումներ՝ տարբեր դասակարգերու մէջ: Վազքի այս մրցումներուն իրենց մասնակցութիւնը բերին քսան վարժարաններու 411 երկսեռ աշակերտներ: Այս մրցաշարքին, կրտսեր աղջկանց 2400 մեթր վազքի մրցումներուն, Ճեմարան յաջողեցաւ շահիլ երկրորդութիւն մը եւ երրորդութիւն մը: Արին Գասապեան 9 վայրկեան…
2010 թուականը կը զուգադիպի Համազգայինի ճեմարանի հիմնադրութեան 80-ամեակին եւ Ճեմարանի շրջանաւարտներու միութեան 75-ամեակին: Ճեմարանն ու Ճեմարանի շրջանաւարտները իրենց անուրանալի դերը ունեցած են սփիւռքահայութեան հայակերտումի առաքելութեան` յատկապէս ազգային դիմագիծ կերտելու գործին մէջ: 3 մարտ 1930-ին հիմնուած Հայ ճեմարանը պատրաստեց ուսուցիչներ, խմբագիրներ եւ ազգային գործիչներ, որոնք իրենց կարգին սփիւռքի բազմաթիւ…
