Չորեքշաբթի, 30 Մարտ 2011-ին, Լսարանական Միութեան Վարչութեան հրաւէրով «Վանայ Ձայն»ի տնօրէն Աւօ Կիտանեան այցելեց Ճեմարան եւ հանդիպում ունեցաւ Լսարանական Միութեան աշակերտութեան հետ։ Աւօ Կիտանեան խօսեցաւ Հ.Հ. Սփիւռքի Նախարարութեան կողմէ «Սփիւռքահայութեան Լաւագոյն Ռատիոկայան» ընտրուած «Վանայ Ձայն»ի 25 տարուան գործունէութեան մասին, ռատիոկայանը նկատելով հայապահպանման սատարող յոյժ կարեւոր լրատուական միջոց մը։…
Նախաձեռնութեամբ Լսարանական Միութեան Կենսոլորտի Խմբակին, Ճեմարանի աշակերտութիւնը՝ մանկապարտէզէն մինչեւ աւարտական դասարան, սկսաւ կափարիչ հաւաքելու արշաւի մը 2009-2010 տարեշրջանին։ Մինչեւ Մարտ 2011 հաւաքուեցաւ 1 թոն կերպընկալէ կափարիչ։ «Arc en ciel» հաստատութիւնը կենսոլորտի պահպանման յատուկ ծրագիրներ մշակելով եկամուտ կ՚ապահովէ, որպէսզի նեցուկ կանգնի լիբանանեան պատերազմէն վնասուած հաշմանդամներու, զանոնք գործի մղելով, ինչպէս…
Կազմակերպութեամբ Ճեմարանի Լսարանական Միութեան, Չորեքշաբթի, 16 Մարտ 2011-ին տեղի ունեցաւ վաստակաշատ տնօրէն Հրաչ Տասնապետեանի մահուան 10-րդ տարելիցը նշող յիշատակի ձեռնարկ մը, ներկայութեամբ միջնակարգի Ը., Թ. եւ երկրորդական բաժինի աշակերտներուն ու Ճեմարանի անձնակազմին։ Բացման խօսքը կարդաց Լսարանական Միութեան նախագահ Նժդեհ Մկրտիչեան, որ ըսաւ. «16 Մարտ 2001-ը եղաւ լոկ ֆիզիքական…
Չորեքշաբթի, 2 Մարտին Լսարանական Միութեան կենսոլորտի խմբակին հրաւէրով Ճեմարան այցելեց «arc en ciel» հաստատութեան ներկայացուցիչը։ Վերամշակումի տեսակները, միջոցները եւ կարեւորութիւնը ներկայացնող տեսերիզի մը ցուցադրումէն ետք, «arc en ciel» հաստատութեան ներկայացուցիչը անդրադարձաւ Լիբանանի մէջ վերամշակումի իրավիճակին, զայն բարգաւաճեցնելու միջոցներուն, ինչպէս նաեւ Լիբանանի տնտեսութեան ու կենսոլորտին համար վերամշակումին կարեւորութեան։ Ան…
Ուրբաթ, 25 Փետրուարի առաջին զբօսանքին, Լսարանական Միութեան կազմակերպութեամբ տեղի ունեցաւ կարկանդակի վաճառք։ Տունը պատրաստուած համեղ կարկանդակներ ծախելու այս նախաձեռնութիւնը միաժամանակ օգտակար կը հանդիսանայ անօթի աշակերտներուն եւ եկամուտի աղբիւր մը՝ Լսարանական Միութեան։
Լսարանական Միութեան վարչութեան կազմակերպութեամբ ձիւնագնացութիւնը այս տարի տեղի ունեցաւ Շաբաթ, 12 Փետրուարին։ Աշակերտները Շաբաթ յետմիջօրէին հասան Հրաժէլի մէջ գտնուող պանդոկը, ուր իրենց ժամանակը անցուցին զանազան մարզախաղերով։ Երեկոյեան, ընթրիքէն ետք մեծամասնութիւնը գնաց ցուրտ օդին քայլարշաւի, որմէ ետք սկսաւ խրախճանքը՝ հայկական գաւառական երգերու ունկնդրութեամբ ու պարերով։ Կիրակի առաւօտ փորձ մը…
Չորեքշաբթի, 26 Յունուար 2011-ին, Լսարանական Միութեան վարչութեան կազմակերպութեամբ տեղի ունեցաւ Ճեմարանի 80 ամեակին նուիրուած զարգացման մրցանքը, որուն մասնակցեցան երկրորդական բաժնի աշակերտները՝ իւրաքանչիւր դասարանէ 10 հոգիէ բաղկացած խմբակով մը։ Հարցարանը կ՚ընդգրկէր Ճեմարանի վերաբերող 24 հարցումներ՝ քայլերգ, հիմնադիրներ, թուականներ, տնօրէններ, շրջանաւարտներ, եւայլն…։ Զարգացման մրցանքը վարեց վարչութեան նախագահ Նժդեհ Մկրտիչեան, իսկ…
Չորեքշաբթի, 19 Յունուարին, Համազգայինի Մ. եւ Հ. Արսլանեան Ճեմարան այցելեցին Ջաւախքի հասարակական կազմակերպութիւններու խորհուրդի անդամ Արտակ Գաբրիէլեան եւ Արեւմտահայոց հարցերու կեդրոնի տնօրէն Հայկազ Ալվրցեան։ Հայրենի հիւրերը Ճեմարանի տնօրէն Տիգրան Ճինպաշեանի ընկերակցութեամբ շրջեցան դպրոցի զանազան բաժանմունքները, այցելեցին ՀՅ Դաշնակցութեան արխիւներու գրասենեակ եւ հանդիպում ունեցան պատմաբան Երուանդ Փամպուքեանի հետ, որմէ…
Չորեքշաբթի, 12 Յունուար 2011-ին, Ճորճ Գրիգորեան Լսարանական Միութեան աշակերտներուն ներկայացուց «Թուրքիոյ Լիբանան եւ Միջին Արեւելք թափանցումը եւ անոր ազդեցութիւնը մեր ապագայ ծրագիրներուն վրայ» նիւթը։ Առաջին հանգրուանը եւ առաջնակարգ նպատակը տնտեսական էր,- «Թրքական թափանցումը սկսաւ երբ թուրքերը շուկաներ ստեղծեցին իսլամ եւ արաբախօս երկիրներուն մէջ»,- ըսաւ ան եւ յաջորդաբար անդրադարձաւ…
Չորեքշաբթի, 8 Դեկտեմբեր 2010-ին, Լսարանական Միութեան աշակերտները հանդիպում ունեցան Հայաստանի գիտութիւններու ազգային ակադեմիայի պատմութեան հիմնարկի տնօրէն փրոՖ. դոկտ. Աշոտ Մելքոնեանի հետ։ Ճեմարանի տնօրէն Տիգրան Ճինպաշեան հակիրճ ձեւով ներկայացուց օրուան հիւրը եւ զրուցելիք նիւթը։ Ապա Աշոտ Մելքոնեան խօսեցաւ հայոց ցեղասպանութեան, Հայաստան-Թուրքիա արձանագրութիւններուն, Ղարաբաղ-Ազրպէյճան հարցերուն մասին, ինչպէս նաեւ ներկայացուց Հայաստանի…
Չորեքշաբթի, 1 Դեկտեմբեր 2010-ին Ճեմարանի Լսարանական Միութեան աշակերտութեան հիւր դասախօսը եղաւ հայրենի գրականագէտ Կիմ Աղաբեկեան։ Ան արեւմտահայերէնը նուրբ հնչիւններով լեզու մը որակեց եւ աշակերտութեան թելադրեց մի՛շտ կարդալ։ Վկայակոչելով Մեծարենցի, Դուրեանի ու Վարուժանի ստեղծագործութիւնները, Կիմ Աղաբեկեան հայ գրականութիւնը ներկայացուց իբրեւ միջոց ազգային ոգիի արտայայտութեան։ Անդրադառնալով ընդհանրապէս օտարամոլութեան հետամուտ հայ…
2010-2011 տարեշրջանի Ճեմարանի Լսարանական Միութեան կենսոլորտի խմբակին առաջին նախաձեռնութիւնը եղաւ ստեպղինի ցանքը, որ տեղի ունեցաւ Ուրբաթ 22 Հոկտեմբեր 2010-ին, Ճեմարանի մուտքին կից գտնուող պարտէզին մէջ։ Ստեպղինի ցանքին նպատակն էր փոքրիկները քաջալերել սննդարար ուտելիքներ ուտելու։ Ցանելու աշխատանքին մասնակցեցան Ժ. դասարանէն Նիկոլ Ալեքսանդրեան, Սերժ Ղարիպեան, Նշան Կօշկակարեան եւ Արամ Լոզոյեան,…
