Կազմակերպութեամբ Ժամհուր դպրոցին, Շաբաթ, 20 Յունուար 2018-ին, տեղի ունեցաւ Քրոս Քաունթրիի միջդպրոցական մրցաշարքը: 2003-2004 տարիքային դասակարգին մէջ, Ճեմարանի աշակերտներէն Հրակ Ճինպաշեան 4-րդ դիրքը գրաւեց. Հրակին կողքին կային Արմէն Եղիայեանը եւ Ժագոպ Աճէմեանը, իսկ 2001-2002 դասակարգին մէջ Հրակ Թորոսեան գրաւեց 6-րդ դիրքը. Հրակին կողքին էր նաեւ Արի Աւետիսը:
Մանկամսուրի փոքրիկները սորվեցան կապոյտ գոյնը զանազան խաղերով եւ կապոյտ գոյնով առարկաներ շօշափելով:
Երկուշաբթի, 22 Յունուար 2018-ին, Ճեմարանի շրջանաւարտ Տոքթ. Իշխան Եղիայեան նախակրթարանի Դ. դասարաններու աշակերտներուն ներկայացուց «մարդակազմութիւն, առողջապահութիւն եւ ակռաներու խնամք» նիւթը: Տոքթ. Իշխան խօսեցաւ մարդակազմութեան, առողջ ապրելու, լաւ սննդականոնի եւ ակռաներու խնամքին մասին: Աշակերտները մեծ հետաքրքրութեամբ հետեւեցան եւ ստացան իրենց հարցումներուն լուսաբանութիւնները:
Ուրախութեամբ կը յայտնենք, որ նախակրթարանի Դ. դասարանի աշակերտ Հրակ Ծատուրեան Խորհրդային Միութեան Շրջանաւարտներու ակումբին կազմակերպած ճատրակի մրցաշարքին հանդիսացաւ երկրորդ՝ 10 տարեկանէն վար դասակարգին մէջ: Նոյն մարզաձեւին մէջ, յաջողութիւն կը մաղթենք միջնակարգի Ը. դասարանի աշակերտ Հրակ Լախեանին, որ 14 տարեկանէն վար դասակարգին մէջ Լիբանանը պիտի ներկայացնէ արաբական երկիրներու ճատրակի…
Չորեքշաբթի, 17 Յունուար 2018-ին, Նորսիկեան մանկապարտէզի վարդագոյն դասարանի աշակերտները միասնաբար ճաշակեցին իրենց պատրաստած տաք թէյը՝ կսկուծով:
Նախակրթարանի Դ. դասարանի աշակերտները արաբերէն լեզուով քաղաքի մասին իրենց ընթերցանութեան դասին ընթացքին բաւական գիտելիք եւ բառամթերք ամրապնդելէ ետք, խոյզեր կատարեցին ու ձեռային աշխատանքներով եւ նկարներով ներկայացուցին անցեալի եւ արդի քաղաքը, նշելով անոնց տարբերութիւնները՝ բարձր շէնքեր, լայն ու խճողուած պողոտաներ, եւայլն։
Յունուար ամսուան ընթացքին մանկամսուրի փոքրիկները ձմրան մթնոլորտը կը վայելեն մանկամսուրէն ներս: Անոնք կ’ամրապնդեն իրենց գիտելիքները դիտելու դասերով, ինչպէս նաեւ զգայարանքի եւ ձեռային աշխատանքներով:
Երեքշաբթի, 16 Յունուար 2018-ին, վերապատուելի Հրայր Չոլաքեան (Հայ Աւետ. Ա. Եկեղեցւոյ հովիւ) այցելեց Ճեմարան եւ զրոյց-դասախօսական հանդիպումներ ունեցաւ միջնակարգի Ը. եւ Թ. դասարաններու աշակերտներուն հետ: Ան խօսեցաւ պատանիին պէտքերուն եւ տարիքային տագնապներուն ու վերիվայրումներուն մասին, կեանքի մէջ կատարելիք անոր ընտրութիւններուն, ինչպէս նաեւ մարդկային յարաբերութիւններուն մէջ համացանցի աշխարհին հասցուցած…
Միջնակարգի Է. դասարանի աշակերտները, Դեկտեմբեր ամսուան ընթացքին, անգլերէնի դասապահերուն պատրաստեցին «Նոր Տարին եւ Ս. Ծնունդը աշխարհի տարբեր երկիրներու մէջ» խորագիրով ներկայացումներ: Անոնք հետաքրքրական ձեւով՝ պատկերներով եւ պաստառով, իրենց դասընկերներուն ներկայացուցին զանազան երկիրներու մէջ Նոր Տարուան եւ Ս. Ծննդեան սովորութիւնները, ինչպէս նաեւ հիւրասիրեցին աւանդական ուտելիք եւ անուշեղէն: Այս աշխատանքին…
Թ. դասարանէն խումբ մը աշակերտներ շարունակեցին Դեկտեմբեր 2017-ին սկսած իրենց բարեսիրական աշխատանքը. անոնք Ուրբաթ, 12 Յունուար 2018-ի երեկոյեան այցելեցին չորս կարիքաւոր ընտանիքներուն: Աշակերտները իրինց հետ տարին ուտելիք, հագուստեղէն եւ հարցուցին անոնց կարիքներուն ու դժուարութիւններուն մասին, որպէսզի յաջորդ ամիս շարունակեն իրենց նպաստը բերել այդ ընտանիքներուն:
Երկուշաբթի, 15 Յունուար 2018-ին, Համազգայինի Կեդրոնական Վարչութեան գրասենեակի պատասխանատու Արին Գալուստեան Աւարտական դասարանի աշակերտներուն ներկայացուց հետեւեալ ծրագիրները. -2009-ին հիմնուած Զոհրապ Պոսնոյեան կրթաթոշակի հիմնադրամը, որ համալսարանական կրթաթոշակներ կը յատկացնէ այն աշակերտներուն, որոնք շրջանաւարտներն են Արսլանեան Ճեմարանին եւ որոնք ունին դպրոցական լաւ արդիւնքներ, նկարագրային արժանիքներ եւ միեւնոյն ժամանակ կը կարօտին…
Հինգշաբթի, 11 Յունուար 2018-ին Ճեմարանի 2012-ի շրջանաւարտ Անտրէա Գաժաքժեան երկրորդական բաժինի ԺԱ. եւ ԺԲ. դասարաններու աշակերտներուն խօսեցաւ մասնագիտական ուսման իր փորձառութեան մասին: Լիբանանեան համալսարանին մէջ աւարտելէ ետք ընկերային գիտութիւններու ճիւղը, ան այժմ մասնագիտական ուսումը կը շարունակէ Հայաստանի Ամերիկեան համալսարանին մէջ: Ան շեշտեց հայրենիքի մէջ ուսանելու առաւելութիւնները եւ խօսեցաւ…
