Երեքշաբթի, 6 Նոյեմբեր 2018-ին, տարրական բաժինի Ա. դասարանի աշակերտները այցելեցին Համազգայինի «Վահէ Սէթեան» տպարանը, ուր անոնք մօտէն ծանօթացան եւ հետեւեցան տպագրական աշխատանքի ձեւերուն եւ հանգրուաններուն: Աշակերտները այցելեցին նաեւ Համազգայինի գրախանութը, որուն տրամադրած նուէր-գիրքերով ուրախ-զուարթ վերադարձան դպրոց: Շնորհակալութիւն Համազգայինի «Վահէ Սէթեան» տպարանին եւ գրախանութին:
Երեքշաբթի, 6 Նոյեմբեր 2018-ին, A. U. B. համալսարանի «Public health»-ի դասախօս Դոկտ. Թամար Հաշօլեան երկորդական բաժինի ԺԲ. դասարանի աշակերտներուն խօսեցաւ նոր մասնագիտութեան մը մասին՝ «Health communication», որ յառաջիկայ տարի պիտի սկսի յիշեալ համալսարանին մէջ: Այս մասնագիտութիւնը իր մէջ կը ներառէ թէ՛ առողջապահական նիւթ, թէ՛ լրատուական ու արուեստ: Մասնագէտ…
Երկուշաբթի, 5 Նոյեմբեր 2018-ին, մանկապարտէզի կապոյտ դասարանի աշակերտները ունեցան մաքրութեան օր մը: Օրուան նպատակն էր ձեռք բերել անմիջական շրջապատին մաքրութեան վերաբերող անհրաժեշտ գիտելիքներ: Փոքրիկները դպրոց եկած էին իրենց հետ բերելով աւել մը, դոյլ մը, սպունգ մը եւ լաթ մը: Անոնք մաքրեցին մանկապարտէզին բակն ու իրենց դասարաննները:
Հինգշաբթի, 25 Հոկտեմբեր 2018-ին, մանկապարտէզ այցելեց մանկաբոյժ տոքթ. Պերճ Տաքէսեան: Ան հանդիպումներ ունեցաւ կանաչ դասարանի աշակերտներուն հետ եւ անոնց հետ խօսեցաւ առողջ մարմին ունենալու, առողջ սնուելու, քնանալու եւ պատուաստներու կարեւորութեան մասին: Ան շեշտեց, որ մանուկները պէտք է պարբերաբար այցելեն իրենց բժիշկին:
Երկուշաբթի, 15 Հոկտեմբեր 2018-ի առաւօտեան, միջնակարգ եւ երկրորդական բաժիններու աշակերտները հաւաքուեցան իրենց բակը, ուր ԺԲ. դասարանէն Նարէ Քիւրքճեան իր խօսքը փոխանցեց Թարգմանչաց տօնին առիթով: Ան ըսաւ. «Սուրբ Մեսրոպ Մաշտոցի հայ գիրերու գիւտէն ետք, հայ թարգմանիչներուն դերը մեծ եղաւ հայ ազգի լուսաւորութեան ճամբուն վրայ: Հայ լեզուն եղաւ մեր ազգին…
Երկուշաբթի, 8 Հոկտեմբեր 2018-ին, մենք` աւարտական դասարանի աշակերտներս, կազմակերպած էինք «Բոլորս ընդդէմ հիւանդութեան» կարգախօսով կարկանդակի վաճառք, որուն նպատակն էր նեցուկ կանգնիլ մեր շատ սիրելի Հ.Մ.Ը.Մ.-ական խմբապետուհի քոյր Լիւսիին: Վաճառքը շատ յաջող ընթացաւ, բոլոր աշակերտները, ուսուցիչները եւ տնօրէնութիւնը խանդավառօրէն քաջալերեցին մեզ, եւ յաջողեցանք այս առթիւ նուիրաբերել 1100 ԱՄՆ տոլարի…
Չորեքշաբթի, 10 Հոկտեմբեր 2018-ին, Նախակրթարանի Ե. դասարանի աշակերտները իրենց հայերէնի ուսուցչուհիին ընկերակցութեամբ այցելեցին Անթիլիասի մայրավանքին «Կիլիկիա» թանգարանը: Աշակերտները մօտէն ծանօթացան Կիլիկիոյ պատմամշակութային եւ հոգեւորական գոհարներուն: Անոնք տեսան Սուրբ Միւռոնի կաթսան, Սուրբ Սեղբեստրոսի աջը, Յիսուսի փշապսակին մասունքը, եկեղեցական թանկարժէք զգեստները, Աւետարանները, ձեռագիր եւ տպագիր մատեանները, հայկական հին եւ օտար…
Կիրակի 28 Սեպտեմբեր 2018-ին, Հարաւային Ափրիկէի Ճոհանսպըրկ քաղաքին մէջ տեղի ունեցաւ «ԿԱԶՄԱ» համաշխարհային թուաբանութեան մրցանքը, որուն կը մասնակցէին տարբեր երկիրներէ ժամանած աւելի քան 300 աշակերտներ: Լիբանանի պատուիրակութեան անդամ 9 աշակերտներուն շարքին էր ճեմարանական Աւօ Խաչատուրեանը (5-րդ դասարան), որ իր հմտութիւններուն շնորհիւ կրցաւ հանդիսանալ իր դասակարգին ախոյեանը: Կը շնորհաւորենք…
Ուրբաթ, 5 Հոկտեմբեր 2018-ին, մանկապարտէզի կանաչ դասարանի աշակերտները այցելեցին դպրոցին տնօրէնութեան բաժինը, ուր ծանօթացան պաշտօնէութեան եւ գրասենեակային աշխատանքներուն:
Երկուշաբթի, 1 Հոկտեմբեր 2018-ին կը մահանայ աշխարհահռչակ երգիչ-երգահան Շարլ Ազնաւուր: Երեքշաբթի, 2 Հոկտեմբեր 2018-ի առաւօտեան, միջնակարգի եւ երկրորդականի աշակերտները հաւաքուեցան իրենց բակը, ուր աւարտական դասարանէն Լեւոն Գալայճեան եւ Վանայ Պաքալեան ընթերցեցին Շարլ Ազնաւուրի կենսագրութիւնն ու գործունէութիւնը հայերէն եւ ֆրանսերէն լեզուներով: Ապա աշակերտները ունկնդրեցին «Քեզի համար Հայաստան» երգը եւ…
Համազգայինի Մ. եւ Հ. Արսլանեան Ճեմարանի 2018-2019 տարեշրջանի վերամուտը տեղի ունեցաւ հետեւեալ հանգրուաններով. Սեպտեմբեր 13-ին երկրորդական բաժինի ԺԱ. եւ ԺԲ., ինչպէս նաեւ միջնակարգի Թ. դասարանի աշակերտները արդէն իսկ վերադարձան դպրոց: Սեպտեմբեր 24-ին ամբողջացաւ երկրորդականի եւ միջնակարգի վերամուտը: Չորեքշաբթի, 26 Սեպտեմբերը վերամուտն էր նախակրթարանի եւ տարրականի բաժինի աշակերտներուն: Հինգշաբթի…
Ճեմարանի աւարտական դասարանի աշակերտները կը շարունակեն ազգային եւ մշակութային տօներն ու յատկանշական իրադարձութիւնները նշելու իրենց յանձնառութիւնը: Երկուշաբթի, 24 Սեպտեմբեր 2018-ի առաւօտեան միջնակարգի եւ երկրորդականի աշակերտներն ու ուսուցիչները հաւաքուեցան բակ, ուր ԺԲ. դասարանէն Նարեկ Մեսրոպեան բարի վերամուտ մաղթեց բոլորին եւ ըսաւ. «10 օրէ արդէն մենք՝ աւարտական դասարանի աշակերտներս, սկսած…
