Երեքշաբթի, 9 Սեպտեմբեր 2014-ին, առաւօտեան ժամը 10։00-ին, տեղի ունեցաւ Մ. եւ Հ. Արսլանեան Ճեմարանի վերամուտի ուսուցչական աւանդական առաջին ժողովը։ Ճեմարանի տնօրէն Տիգրան Ճինպաշեան բարի վերամուտ մաղթեց ուսուցիչներուն ու անոնց փոխանցեց 2014-2015 տարեշրջանին վերաբերող անհրաժեշտ տեղեկութիւնները։ Տնօրէնը ողջունեց Ճեմարանի ուսուցչական կազմին միացած նոր ուսուցիչները եւ յաջողութիւն մաղթեց բոլորին: Ապա կրթական պատասխանատու փոխ տնօրէն Հուրի Եափուճեան տեղեկութիւններ փոխանցեց վերամուտէն առաջ կատարուելիք կրթական ասպարէզի զարգացման նպաստող աշխատանքային օրերուն մասին: