Մարտ ամսուն, նախակրթարանի Ե. դասարանի աշակերտները բանաստեղծութեան միջազգային օրուան առիթով ունկնդրեցին այն բանաստեղծութիւնները, որոնք երգի վերածուած են եւ արտասանեցին իրենց նախասիրած գրութիւնները եւ կատարեցին պատի թերթի աշխատանքներ: Նոյն ծիրին մէջ, երգի ուսուցչուհին աշակերտներուն ներկայացուց Կոմիտասը, անոնք դիտեցին տեսերիզ մը եւ սորվեցան «Շողեր ջան» երգը:
Աշակերտները հայերէն լեզուի դասապահուն «Հայկական հաց» բնաբանով ծանօթացան Օշական գիւղին, դիտեցին տեսերիզ մը եւ համտեսեցին Հայաստանէն բերուած լաւաշն ու Լոռիի պանիրը: