Չորեքշաբթի, 24 Նոյեմբերին Ճեմարանի աւարտական դասարանի աշակերտները հայ երիտասարդներու կողքին բողոքի ցոյցով, պաստառներով եւ պահանջատիրական կարգախօսերով «դիմաւորեցին» Թուրքիոյ վարչապետը։ Հինգշաբթի, 25 Նոյեմբերին մանկապարտէզի, տարրականի եւ նախակրթարանի աշակերտները արձակուեցան ժամը 11-ին։ Միջնակարգ եւ երկրորդական բաժիններու աշակերտները, ուսուցիչներն ու պաշտօնէութիւնը մասնակցեցան Թուրքիոյ Վարչապետ Էրտողանի Լիբանան այցելութեան առիթով լիբանանահայ համայնքներու եւ քաղաքական երեք կուսակցութիւններու կազմակերպած բողոքի հաւաքին՝ Պէյրութի Նահատակաց հրապարակին մէջ: