Հինգշաբթի, 10 Փետրուար 2010ին, մինչ նախակրթարանի Ե. դասարանէն սկսեալ Ճեմարանի աշակերտները կիսամեայ քննութիւններուն վերջին օրը կ’անցընէին, մանկապարտէզի փոքրիկները հայրենասիրութեամբ եւ Քաջ Վարդանի զինուոր դառնալու փափաքով տոգորուած՝ կը տողանցէին մանկապարտէզի բակին մէջ: Փոքրիկները իրենց գլխուն կը կրէին Քաջ Վարդանին թագերը: Անոնք մեծ խանդավառութեամբ երգեցին Վարդանի ու Աւարայրի ճակատամարտին նուիրուած երգեր եւ պարեցին հայկական պարեր: