Հինգշաբթի, 3 Մարտ 2022-ի առաւօտեան, բոլոր բաժիններու աշակերտները հաւաքուեցան Գարագաշեան սրահ, ուր  նշեցին Ճեմարանի հիմնադրութեան (3 Մարտ, 1930) 92-ամեակը: Ճեմարանի տնօրէն Փաուլա Եղիայեան խօսեցաւ դպրոցին հիմնադրութեան եւ առաքելութեան մասին, ապա աշակերտները երգեցին Ճեմարանի քայլերգը եւ բարձրացան իրենց դասարանները: Այնուհետեւ ամբողջ օրուան ընթացքին այս առիթով տեղի ունեցան զանազան նախաձեռնութիւններ: