Կիրակի, 28 Օգոստոսին, Էհտենի «Պէյթ Ուարտ» ճաշարան-պանդոկին մէջ տեղի ունեցաւ ճատրակի մրցաշարք մը` կազմակերպութեամբ Էհտեն-Զղարթա քաղաքապետութեան եւ հովանաւորութեամբ ու հսկողութեամբ Լիբանանի ճատրակի ֆետերասիոնին: Այս մրցաշարքին իրենց մասնակցութիւնը բերին աւելի քան 70 ճատրակ խաղացողներ: 10 տարեկանէն վար դասակարգին մէջ (10 մասնակցող), ՀՄԸՄ-ի եւ Ճեմարանի աշակերտ Հրայր Գասապեան գրաւեց առաջին դիրքը` առաւելագոյն 6 կէտէն 5 կէտ ապահովելով: 16 տարեկանէն վար (10 մասնակցող) դասակարգին մէջ երկրորդ դիրքը գրաւեց ՀՄԸՄ-ի եւ Ճեմարանի այլ աշակերտ մը` Հրակ Գլըպոզեան, որ իր կարգին ապահովեց 5 կէտ: