Կազմակերպութեամբ Հ.Բ.Ը.Մ. «Անդրանիկ-Սեւան» ակումբի ճատրակի յանձնախումբին, Կիրակի, 24 Մարտ 2018-ին, ակումբին «Զապէլ Մովսէսեան» սրահէն ներս տեղի ունեցաւ ճատրակի մրցաշարք մը՝ մասնակցութեամբ հայկական 9 վարժարաններու 60 աշակերտներու:

Ուրախութեամբ կը յայտնենք, որ Ճեմարանը աշխոյժ մասնակցութիւն բերաւ սոյն մրցաշարքին եւ դպրոցներու դասաւորման մէջ գրաւեց առաջին դիրքը: Անհատական դասաւորումներուն մէջ, մետալներու արժանացան հետեւեալ ճեմարանական աշակերտները:

8 տարեկան եւ վար՝
Նարեկ Բակլայեան (Բ. դասարան)՝  Ա. դիրք (6 խաղ, 6 յաղթանակ)
Վան Պորոյեան (Գ. դասարան)՝  Ա. դիրք (6 խաղ, 4 յաղթանակ)
Նիկոլ Մանճիկեան (Բ. դասարան)՝  Գ. դիրք (6 խաղ, 3 յաղթանակ եւ մէկ հաւասարութիւն)

10 տարեկան եւ վար՝
Արմէն Մխճեան (Դ. դասարան)՝  Բ. դիրք (6 խաղ, 5 յաղթանակ)

12 տարեկան եւ վար՝
Հրակ Ծատուրեան (Ե. դասարան)՝  Գ. դիրք (6 խաղ, 4 յաղթանակ)

14 տարեկան եւ վար՝
Նիքոլա Մուրատեան (Է. դասարան)՝  Ա. դիրք (6 խաղ, 6 յաղթանակ)

Կը շնորհաւորենք վերոյիշեալ աշակերտները եւ անոնց կը մաղթենք նորանոր յաղթանակներ: