Կազմակերպութեամբ Հ.Մ.Ը.Մ.-ի Լիբանանի Շրջանային Վարչութեան ԼԵՎԱՄ-ի յանձնախումբին, Կիրակի, 25 Նոյեմբեր 2018-ին, յետմիջօրէի ժամը 1:օօ-ին, տեղի ունեցաւ 2018-2019 տարեշրջանի ճատրակի մրցաշարքը՝ Մխիթարեան նոռակառոյց վարժարանի սրահէն ներս: 

Մրցաշարքին մասնակցեցան 105 աշակերտ-աշակերտուհիներ, որոնք կը ներկայացնէին 10 հայկական դպրոցներ: Ուրախութեամբ կը յայտնենք, որ Համազգայինի Մ. եւ Հ. Արսլանեան Ճեմարանի աշակերտներէն ոմանք հանդիսացան իրենց տարիքային դասակարգի ախոյեան, ուրիշներ գրաւեցին երկրորդ կամ երրորդ դիրքերը, ոմանք ալ արձանագրեցին գնահատանքի արժանի արդիւնքներ: Աւելի ուրախալի է այն փաստը, որ դպրոցներու ընդհանուր դասաւորման մէջ, Ճեմարանը գրաւեց առաջին դիրքը:

Մրցաշարքի աւարտին տեղի ունեցաւ մրցանակաբաշխութիւնը, որուն ներկայ էին Հ.Մ.Ը.Մ.ի Լիբանանի Շրջանային Վարչութեան ԼԵՎԱՄ-ի ներկայացուցիչ Եղբ. Աշոտ Թասլաքեան, Մխիթարեան վարժարանի տնօրէնուհի՝ Տիկին Ռիթա Պոյաճեան, Լիբանանի Ճատրակի Ֆետերասիոնի փոխ նախագահ՝ Դոկտ. Ալի Շահրուր, Ֆետերասիոնի անդամ՝ Էլի Խէյրալլահ եւ Ազդակ օրաթերթի մարզական բաժինի լրագրող՝ Եղբ. Վարդիվար Գասապեան: 

Ստորեւ կը ներկայացնենք Ճեմարանի մրցանակակիր աշակերտներուն անունները, ինչպէս նաեւ դպրոցներու ընդհանուր դասաւորման պատկերը.

Տարիքային դասակարգեր

2010/2011-ի ծնունդ

Աղջիկներ՝
Բ. դիրք՝ Հերա Պետիրեան

Տղաք՝
Ա. դիրք՝ Նարեկ Բակլայեան 
Բ. դիրք՝ Քալէ Հարպոյեան
Գ. դիրք՝ Վան Պորոյեան

2008/2009-ի ծնունդ

Տղաք՝
Բ. դիրք՝ Հրակ Ծատուրեան 

2006/2007-ի ծնունդ

Աղջիկներ՝
Ա. դիրք՝ Ալիք Թենպէլեան 

Տղաք՝
Ա. դիրք՝ Րաֆֆի-Իւլիս Սեմէրճեան 
Գ. դիրք՝ Նիքոլա Մուրատեան

2004/2005-ի ծնունդ

Աղջիկներ՝
Ա. դիրք՝ Լորի Գարաճեան 

Տղաք՝
Ա. դիրք՝ Հրակ Լախեան

2002/2003-ի ծնունդ

Աղջիկներ՝
Բ. դիրք՝ Կայէլ Գրիգորեան 
Գ. դիրք՝ Սօսի Տէմիրճեան

2001-ի ծնունդ

Տղաք՝
Բ. դիրք՝ Արի Աւետիս

Դպրոցներու ընդհանուր դասաւորում.

1- ՀԱՄԱԶԳԱՅԻՆԻ Մ. ԵՒ Հ. ԱՐՍԼԱՆԵԱՆ ՃԵՄԱՐԱՆ՝ 32կէտ
2- Հայ Կաթողիկէ Մեսրոպեան Վարժարան՝ 29 կէտ
3- Ազգային Եղիշէ Մանուկեան Քոլէճ՝ 16,5 կէտ
4- Հայ Աւետարանական Կեդրոնական Բարձրագոյն Վարժարան՝ 15,5 կէտ
5- Հայ Աւետարանական Քոլէճ՝ 15 կէտ
6- Սահակեան Վարժարան՝ 14,5 կէտ
7- Մխիթարեան Վարժարան՝ 14 կէտ
8- Հայ Աւետարանական Շամլեան-Թաթիկեան Վարժարան՝ 3,5 կէտ
9- Ազգային Միացեալ Վարժարան՝ 0 կէտ
10- Հայ Կաթողիկէ Հռիփսիմեանց Վարժարան՝ 0 կէտ

Կը շնորհաւորենք Ճեմարանի մրցանակակիր աշակերտները եւ կը քաջալերենք մնացեալ բոլոր մասնակիցները՝ անոնց մաղթելով նորանոր յաջողութիւններ: