Չորեքշաբթի, 21 Մարտ 2018-ին Ճեմարան այցելեց լիբանանցի գրող Ալեքսանտր Նաժժար, որ հեղինակ է 30-է աւելի գիրքերու: Նաժժար նախ տեսակցեցաւ տնօրէնութեան եւ ուսուցչական կազմին հետ, ապա երկու պահ հաճելի զրոյց մը տեղի ունեցաւ երկրորդական բաժինի աշակերտութեան հետ:
Ան ներկայացուց իր կեանքի տարբեր հանգրուանները եւ իւրաքանչիւր ժամանակաշրջանի իրադարձութիւններու ազդեցութիւնը իր գրականութեան վրայ: Նաժժար բարձր գնահատեց աշակերտներուն ընթերցասիրութիւնը, որ նկատելի էր անոնց ուղղած հարցումներուն ընդմէջէն: Ան թելադրեց, որ աշակերտները ըլլան նպատակասլաց եւ արկածախնդիր, որպէսզի հասնին իրենց նպատակին:
Երկրորդ այցելութեան մը խոստումով աւարտեցաւ գրական հանդիպումը:
