Ուրբաթ, 8 Դեկտեմբեր, 2023-ին, Թ. դասարանի աշակերտները հանդիպում մը ունեցան Ճեմարանի նախակրթարանի եւ միջնակարգի հայոց պատմութեան ուսուցչուհի Ամալիա Մարտիկեանի հետ: Ան երկրաշարժի մասին ականատեսի իր վկայութիւնները պատմեց աշակերտներուն, որոնք յուզումով հետեւեցան եւ ապրեցան երկրաշարժի ցնցող պահը. խօսքին ընկերացաւ երկրաշարժի մասին տեսերիզի ցուցադրութիւն մը: Ամալիա Մարտիկեան շարունակեց խօսիլ այսօրուան Գիւմրիին մասին, ինչպէս նաեւ թելադրեց աշակերտներուն ունենալ գիւմրեցիներուն նման պայքարելու ոգի եւ ապրելու կամք: Ան աւարտեց Շիրազի բանաստեղծութեան հետեւեալ տունը արտասանելով.
«Դու իմ անուշ ծննդավայր,
Շիրազամայր իմ Գիւմրի,
Դու մի բուռ ես, բայց մի աշխարհ.
Դու իմ արծիւ, իմ Գիւմրի»:
