Երկուշաբթի, 14 Մարտին, Դ. դասարանի աշակերտները իրենց գիտութեան դասի ուսուցչուհիին ընկերակցութեամբ այցելեցին «Les merveilles de la mer» ծովային անասուններու թանգարանը, ուր անոնց ներկայացուեցաւ տեսերիզ մը՝ ծովային անասուններու մասին: Աշակերտները հետաքրքրութեամբ հետեւեցան տեսերիզին զուգընթաց իրենց տրուած բացատրութիւններուն, ապա դիտեցին թանգարանին մէջ ցուցադրուած «aquarium»ներու մէջ ապրող անասունները: Աշակերտները այս այցելութեամբ ամրապնդեցին գիտութեան դասին վերաբերող իրենց գիտելիքները: