Աշխարհագրութեան դասանիւթի ծիրէն ներս, Չորեքշաբթի, 19 Մարտ 2014-ին, Ե. դասարաններու աշակերտները իրենց ուսուցչուհիներուն ընկերակցութեամբ այցելեցին Ժպէյլ քաղաքը։ Անոնք ուղեցոյցի մը առաջնորդութեամբ շրջեցան բերդին մէջ եւ ծանօթացան անոր պատմութեան։ Աշակերտները այցելեցին հռոմէական թատրոն եւ ամրապնդեցին աշխարհագրութեան դասին վերաբերող իրենց գիտելիքները։ Աշակերտները այցելեցին նաեւ ցեղասպանութենէն ետք հազարաւոր հայ որբերու ապաստան հանդիսացած «Թռչնոց Բոյն»ը եւ հաստատութեան տնօրէն Սամուէլ Պոյաճեանի հետ շրջեցան զանազան բաժինները (գերեզմանատունը, եկեղեցին), որոնց մասին յաւելեալ տեղեկութիւններ փոխանցելէ ետք, տնօրէնը բացատրութիւններ տուաւ նաեւ նոր կառուցուելիք ցեղասպանութեան թանգարանին մասին: Աշակերտները «Թռչնոց Բոյն»ի աշակերտներուն հետ նախաճաշեցին ու մտերմիկ պահեր անցուցին: