Գիտութեան դասի ծիրէն ներս, Հինգշաբթի, 22 Մայիս 2014-ին, Զ. դասարանի աշակերտները իրենց ուսուցչուհիին եւ նախակրթարանի պատասխանատուին ընկերակցութեամբ այցելեցին «Ժապալ Մուսա», ուր բնութեան մէջ մէկ ժամ տեւած արշաւին ընթացքին՝ ուղեցոյցը բացատրութիւններ տուաւ շրջանին մէջ հազուագիւտ բոյսերուն եւ անասուններուն մասին։ Գիտելիքներով հարստացած եւ ուրախ տրամադրութեամբ՝ աշակերտները վերադարձան դպրոց։