Ճեմարանի Լսարանական Միութիւնը Չորեքշաբթի, 29 Սեպտեմբեր 2010-ին ընտրեց իր վարչութիւնը հետեւեալ ձեւով. -Ժ. դասարանէն՝ Նիկոլ Ալեքսանդրեան եւ Լալիկ Աղասարգիսեան -ԺԱ. գրականէն՝ Սիպել Աւետիսեան -ԺԱ. գիտականէն՝ Սարհատ Գեթսեմանեան -ԺԲ. գրականէն՝ Կարօ Ֆէսլեան -ԺԲ. գիտականէն՝ Պերճ Քերթեշեան Մէկ շաբաթ ետք, աշակերտները ընտրեցին Լսարանական Միութեան նախագահը։ Ընտրութիւնը վարեց Պրն. Վաչէ Ծատուրեանը, օժանդակութեամբ՝ Պրն. Անդօ Գալեմքէրեանի։ Լսարանական Միութեան նախագահ ընտրուեցաւ ԺԲ. գրական դասարանէն՝ Նժդեհ Մկրտիչեան։ Վարչութիւնը 13 Հոկտեմբեր 2010-ին գումարեց իր առաջին ժողովը, որուն ընթացքին որոշեց իր տարեկան ծրագիրը։ Նոյն օրը, Լսարանական Միութեան պատասխանատու Պրն. Վաչէ Ծատուրեան ներկայացուց այս տարուան խմբակները՝ Հայ Դատ, գրական, ձեռագործ, հայկական երաժշտութիւն, սպաներէն, կենսոլորտ, geopolitique եւ street fighting։ Ապա նախագահը ներկայացուց տարեկան ծրագրին պատկերացումը, որ կ°ընդգրկէ. -Հայկական երեկոյ -Talent show -Կաղանդի խրախճանք -Ձիւնագնացութիւն -Մարզական օր -Ուսուցչաց տօն -Ցեղասպանութեան ոգեկոչում -Բարեկենդան -Զարգացման մրցում Լսարանական Միութեան Վարչութիւն