News – Djemaran https://www.djemaran.edu.lb Melankton & Haig Arslanian Wed, 14 Oct 2026 08:42:46 +0000 en-US hourly 1 https://www.djemaran.edu.lb/wp-content/uploads/2015/11/logo1.png News – Djemaran https://www.djemaran.edu.lb 32 32 «ՃԱՄԲՈՐԴՈՒԹԻՒՆ» https://www.djemaran.edu.lb/news/%d5%b3%d5%a1%d5%b4%d5%a2%d5%b8%d6%80%d5%a4%d5%b8%d6%82%d5%a9%d5%ab%d6%82%d5%b6/ Wed, 14 Oct 2026 08:42:46 +0000 https://www.djemaran.edu.lb/?post_type=news&p=61721 «Երեւան-Էրեբունի» բանաստեղծութեան նիւթին առնչութեամբ Ը. դասարանի աշակերտները ներկայացուցին զանազան նախագիծեր՝ նպատակ ունենալով թէ՛ աւելի մօտէն ծանօթանալ Երեւանի պատմութեան, տեսարժան վայրերուն եւ մշակութային ժառանգութեան, եւ թէ զարգացնել ու բարելաւել իրենց բանաւոր արտայայտուելու կարողութիւնները։

Իրենց ներկայացումներուն միջոցով անոնք մտովի ճամբորդեցին դէպի Երեւան եւ քանի մը օր ապրեցան մայրաքաղաքին շունչով։ Անոնք շրջեցան Երեւանի բաց երկինքին տակ, այցելեցին թանգարաններ ու գեղատեսիլ այգիներ, կանգ առին պատմական յուշարձաններու առջեւ եւ ներկայացուցին անոնց մասին անհրաժեշտ ու հետաքրքրական տեղեկութիւններ։
Մեթրոյով «ճամբորդեցին» քաղաքի մէկ ծայրէն միւսը՝ բացայայտելով Երեւանի տարբեր անկիւնները։

Այսպիսով, թէեւ միայն մտովի, աշակերտները կարծես քանի մը օր ապրեցան Երեւանի մէջ՝ տեսան, զգացին ու բացայայտեցին անոր պատմութիւնն ու գեղեցկութիւնը:

]]> ՀԱՅԱՍՏԱՆ https://www.djemaran.edu.lb/news/%d5%b0%d5%a1%d5%b5%d5%a1%d5%bd%d5%bf%d5%a1%d5%b6/ Wed, 14 Oct 2026 06:32:33 +0000 https://www.djemaran.edu.lb/?post_type=news&p=61692 Է. դասարանի աշակերտները, ներշնչուած Պարոյր Սեւակի «Հայաստան» բանաստեղծութենէն, բանաւոր ներկայացումներ պատրաստեցին Հայաստանի տեսարժան վայրերուն, մշակութային կոթողներուն եւ հայկական աւանդութիւններուն մասին։ Քանի մը օրերու ընթացքին անոնք մտովի ճամբորդեցին Հայաստանի տարբեր մարզերը՝ բացայայտելով հայրենիքի պատմական ու մշակութային գանձերը։ Տեսան, լսեցին, ուսումնասիրեցին ու խօսեցան իրենց ընտրած վայրերուն եւ աւանդութիւններուն մասին՝ հարստացնելով իրենց գիտելիքները եւ աւելի մօտէն ճանչնալով Հայաստանի մշակութային բազմերանգ ժառանգութիւնը։ Այս աշխատանքը անոնց համար դարձաւ ոչ միայն գիտելիքներու փոխանակման, այլեւ հայրենիքի հանդէպ սէրն ու հպարտութիւնը արտայայտելու գեղեցիկ առիթ մը։

]]> ՄԱԳԱՂԱԹԻ ՊԱՏՐԱՍՏՈՒԹԻՒՆ https://www.djemaran.edu.lb/news/%d5%b4%d5%a1%d5%a3%d5%a1%d5%b2%d5%a1%d5%a9%d5%ab-%d5%ba%d5%a1%d5%bf%d6%80%d5%a1%d5%bd%d5%bf%d5%b8%d6%82%d5%a9%d5%ab%d6%82%d5%b6-2/ Sat, 10 Oct 2026 05:39:03 +0000 https://www.djemaran.edu.lb/?post_type=news&p=61633 Տարրական բաժինի Գ. դասարանի աշակերտները Թարգմանչաց տօնին առիթով մագաղաթներ կը պատրաստեն։

]]> QUART D’HEURE DE LECTURE NATIONAL https://www.djemaran.edu.lb/news/quart-dheure-de-lecture-national-2/ Fri, 09 Oct 2026 08:02:02 +0000 https://www.djemaran.edu.lb/?post_type=news&p=61610 Չորեքշաբթի, 7 Հոկտեմբեր 2026-ին, ժամը 11:15-ին, Ճեմարանի բոլոր բաժիններու աշակերտները քառորդ ժամ լուռ ընթերցում կատարեցին, ընդառաջելով «Institut Français du Liban»-ի նախաձեռնութեան, «Beyrouth livres 2026» ցուցահանդէսին առիթով:

]]> Ժ. ԴԱՍԱՐԱՆԻ ԱՇԱԿԵՐՏՆԵՐԸ՝ ՏԻԵԶԵՐԱԳՆԱՑՆԵՐՈՒ ԴԵՐՈՎ https://www.djemaran.edu.lb/news/%d5%aa-%d5%a4%d5%a1%d5%bd%d5%a1%d6%80%d5%a1%d5%b6%d5%ab-%d5%a1%d5%b7%d5%a1%d5%af%d5%a5%d6%80%d5%bf%d5%b6%d5%a5%d6%80%d5%a8%d5%9d-%d5%bf%d5%ab%d5%a5%d5%a6%d5%a5%d6%80%d5%a1%d5%a3%d5%b6%d5%a1%d6%81/ Tue, 06 Oct 2026 09:24:22 +0000 https://www.djemaran.edu.lb/?post_type=news&p=61587 Ուրբաթ, 2 Հոկտեմբեր 2026-ին, Երկրորդական բաժինի Ժ. դասարանի աշակերտները մասնակցեցան Լիբանանի մէջ ամերիկեան դեսպանատան հովանաւորած «Be an Astronaut» խորագիրով աշխատանոցին։ Փոխներգործօն առաքելութիւններու, գիտական փորձարկումներու եւ խմբային մարտահրաւէրներու միջոցաւ անոնք բացայայտեցին տիեզերքի հրապուրիչ աշխարհը։
Աշակերտներուն համար այս աշխատանքը գեղեցիկ փորձառութիւն մըն էր, որ զարգացուց անոնց գիտական հետաքրքրասիրութիւնն ու համագործակցութեան ոգին:
]]> ՄԱՆԿԱՊԱՐՏԷԶԻ ՎԵՐԱՄՈՒՏ https://www.djemaran.edu.lb/news/%d5%b4%d5%a1%d5%b6%d5%af%d5%a1%d5%ba%d5%a1%d6%80%d5%bf%d5%a7%d5%a6%d5%ab-%d5%be%d5%a5%d6%80%d5%a1%d5%b4%d5%b8%d6%82%d5%bf-2/ Fri, 02 Oct 2026 09:26:41 +0000 https://www.djemaran.edu.lb/?post_type=news&p=61593 ՎԵՐԱՄՈՒՏ https://www.djemaran.edu.lb/news/%d5%be%d5%a5%d6%80%d5%a1%d5%b4%d5%b8%d6%82%d5%bf-15/ Sat, 26 Sep 2026 07:25:26 +0000 https://www.djemaran.edu.lb/?post_type=news&p=61579
Համազգայինի Մ. եւ Հ. Արսլանեան Ճեմարանի 2026-2027 տարեշրջանի վերամուտը տեղի ունեցաւ հետեւեալ հանգրուաններով.
 
16 Սեպտեմբերին երկրորդական բաժինի աշակերտները վերադարձան դպրոց: 22 Սեպտեմբերը նախակրթարանի եւ միջնակարգի վերամուտն էր, իսկ 23 Սեպտեմբերը՝ տարրական բաժինի Բ. եւ Գ. դասարանի աշակերտներուն:
 
Ա. դասարանի աշակերտներուն վերամուտով, Հինգշաբթի, 24 Սեպտեմբեր 2026-ի առաւօտեան տեղի ունեցաւ 2026-2027 տարեշրջանի պաշտօնական բացումը, բացօթեայ բակին մէջ, բոլոր աշակերտներուն եւ ուսուցիչներուն ներկայութեամբ:
 
Ճեմարանի տնօրէն Փաուլա Եղիայեան վերամուտի առիթով աշակերտներուն ըսաւ, որ թէեւ 97 տարեկան է Ճեմարանը, սակայն ան միշտ երիտասարդ կը մնայ իրենց ներկայութեամբ, ապա Ա. եւ ԺԲ. դասարաններու աշակերտներուն հանդիսաւոր մուտքը ծափողջոյններով դիմաւորելէ ետք, տնօրէնուհին շարունակեց իր խօսքը, յաջողութիւն մաղթեց նախ տարրական բաժինի Ա. դասարանի աշակերտներուն, որոնք նոր միացած են դպրոցի մայր կառոյցին, ապա երկրորդական բաժինի աւարտական դասարանի աշակերտներուն, որոնք տարեշրջանի աւարտին ունին պետական քննութիւններ եւ համալսարանական մուտքի քննութիւններ:
 
Տնօրէնուհին շեշտեց հայերէնի կարեւորութիւնը, յատկապէս Ճեմարանէն դուրս եւս անոր տէր կանգնելու ճեմարանականի յանձնառութիւնը, ինչպէս նաեւ ինքնութեան պահպանման կարեւորութիւնը։ Ապա ան յաջող տարեշրջան մը մաղթեց բոլորին:
 
Բոլորը միասնաբար երգեցին Ճեմարանի քայլերգը, ապա Ա. դասարանի աշակերտները իրենց մեծ ընկերներուն օգնութեամբ փուչիկները արձակեցին դէպի երկինք եւ բարձրացան իրենց դասարանները:
]]> ԱՐԱՐԱՏԻ ԳԱԳԱԹԸ ՆՈՒԱՃԱԾ ՇՐՋԱՆԱՒԱՐՏՆԵՐՈՒՆ ԱՅՑԸ ՃԵՄԱՐԱՆ https://www.djemaran.edu.lb/news/%d5%a1%d6%80%d5%a1%d6%80%d5%a1%d5%bf%d5%ab-%d5%a3%d5%a1%d5%a3%d5%a1%d5%a9%d5%a8-%d5%b6%d5%b8%d6%82%d5%a1%d5%b3%d5%a1%d5%ae-%d5%b7%d6%80%d5%bb%d5%a1%d5%b6%d5%a1%d6%82%d5%a1%d6%80%d5%bf%d5%b6%d5%a5/ Fri, 25 Sep 2026 08:14:44 +0000 https://www.djemaran.edu.lb/?post_type=news&p=61576
Ճեմարանի շունչով ու արժէքներով հասակ նետած մեր շրջանաւարտները Արարատի սրբազան գագաթը նուաճելէ ետք, վերադարձան իրենց օճախը եւ դպրոցին նուիրեցին Մասիսի բարձունքներէն բերուած քար մը եւ լեռնագագաթին՝ Ճեմարանի դրօշակով ծփացող պատմական լուսանկարը։
 
Այս քարը սովորական յուշանուէր մը չէ. անիկա մեր սերունդներու անխախտ կամքին, հայրենասիրական ոգիին եւ Ճեմարանէն սկիզբ առնող անվերջանալի վերելքին վառ խորհրդանիշն է։ Հաստատութիւնս հպարտ է իր զաւակներով, որոնք ուր ալ երթան, բարձունքներ կը նուաճեն՝ իրենց հետ վեր բարձրացնելով դպրոցին անունն ու դրօշը։
]]> «SCHOOL LEADERS’ DAY» https://www.djemaran.edu.lb/news/school-leaders-day/ Wed, 23 Sep 2026 05:33:01 +0000 https://www.djemaran.edu.lb/?post_type=news&p=61572 Ուրբաթ, 18 Սեպտեմբեր 2026-ին, Ճեմարանի տնօրէն Փաուլա Եղիայեան եւ ընկերային ծառայող Սիլվա Սողոմոնեան ներկայ գտնուեցան «AUB» համալսարանի կազմակերպած «SCHOOL LEADERS’ DAY»-ին, որուն ընթացքին ներկայացուեցան Լիբանանի պետական պաքալորէայի նոր ծրագիրը եւ «AUB» համալսարանի նոր մասնագիտութիւնները:

]]> Ա. ԴԱՍԱՐԱՆԻ ԾՆՈՂԱԿԱՆ ԺՈՂՈՎ https://www.djemaran.edu.lb/news/%d5%a1-%d5%a4%d5%a1%d5%bd%d5%a1%d6%80%d5%a1%d5%b6%d5%ab-%d5%ae%d5%b6%d5%b8%d5%b2%d5%a1%d5%af%d5%a1%d5%b6-%d5%aa%d5%b8%d5%b2%d5%b8%d5%be/ Wed, 23 Sep 2026 05:06:01 +0000 https://www.djemaran.edu.lb/?post_type=news&p=61567 Ուսումնական նոր տարեշրջանի վերամուտին, Ուրբաթ, 18 Սեպտեմբեր 2026-ի առաւօտեան ժամը 8:30-ին, Պոլեան սրահին մէջ տեղի ունեցաւ տարրական բաժինի Ա. դասարաններու աշակերտներու ծնողական առաջին հանդիպումը, որուն ընթացքին ծնողներուն փոխանցուեցան 2026-2027 տարեշրջանին վերաբերող կազմակերպչական կարեւոր մանրամասնութիւններ: 

]]>