Հինգշաբթի, 25 Յունուար 2018-ին, ընկերային ծառայողը նախակրթարանի Դ. դասարանի աշակերտներուն ներկայացուց «աղբերու զտում եւ վերամշակում» նիւթը: Ան ցոյց տուաւ յատուկ տոպրակներ, որոնցմէ իւրաքանչիւրին մէջ կը զետեղուի թուղթ, կերպընկալ, ապակի, թիթեղ եւ ուտեստեղէն:
Աշակերտները անդրադարձան, որ պէտք է նուազեցնել աղբերը, կրկին գործածել որոշ իրեր եթէ կարելի է եւ ամէնէն կարեւորը՝ ղրկել զանոնք վերամշակման կեդրոններ:
Աշակերտները ընկերային ծառայողին ընկերակցութեամբ ուղղուեցան դէպի դպրոցին դուրսը գտնուող աղբի մեծ տակառը ու տեսան, թէ ի՛նչպէս աղբերը առանց տոպրակի են եւ տակառէն դուրս նետուած:
Յաջորդ շաբաթ, ընկերային ծառայողը նոյն նիւթով գործնական աշխատանք կատարեց աշակերտներուն հետ, դասարանէն ներս:
