ՀՕՄ-Ի ՆՈՐՍԻԿԵԱՆ ՄԱՆԿԱՊԱՐՏԷԶԻ «ՊԶՏԻԿԵԱՆ» ՊԱՐՏԷԶԻ ԲԱՑՈՒՄ

Ուրբաթ, 8 Դեկտեմբեր 2017-ին, ջերմ ու մտերմիկ մթնոլորտի մէջ տեղի ունեցաւ Համազգայինի Մ. եւ Հ. Արսլանեան Ճեմարանի Նորսիկեան մանկապարտէզի «Պզտիկեան» պարտէզի բացումը: Այս գեղեցիկ իրագործումին առիթով կէսօրուան ժամը 1:00-ին Ճեմարան ժամանեցին բարերարներ՝ Տէր եւ Տիկին Վահան եւ Նորա Պզտիկեան ընկերակցութեամբ Ճեմարանի բարեկամներու եւ Համազգայինի Կեդրոնական Վարչութեան ներկայացուցիչներու եւ…

ԿԸ ՍՈՐՎԻՆՔ ԴԵՂԻՆ ԳՈՅՆԸ

Նորսիկեան մանկապարտէզի վարդագոյն դասարանի աշակերտները սորվեցան դեղին գոյնը եւ դեղին փուչիկներով տուն վերադարձան:

ԼԵՒՈՆ ՇԱՆԹԻ ՄԱՀՈՒԱՆ 66-ՐԴ ԱՄԵԱԿԻՆ ՆՈՒԻՐՈՒԱԾ ՁԵՌՆԱՐԿ

Կազմակերպութեամբ միջնակարգի աշակերտներուն, Երեքշաբթի, 5 Դեկտեմբեր 2017-ին, «Տոքթ. Ատրինէ Գարագաշեան» սրահին մէջ տեղի ունեցաւ Լեւոն Շանթի մահուան 66-րդ ամեակին նուիրուած ձեռնարկը: Ճեմարանի քայլերգի ունկնդրութենէն ետք, Թ. դասարանէն Սիրվիա Պապոյեան եւ Ալիք Ճինպաշեան ընթերցեցին բացման խօսքը, որմէ ետք Ը. դասարանէն Արամ Հանտեան, Հրակ Լախեան եւ Լորի Եահնիեան ասմունքեցին «Գիշերապահը»,…

ԱՅՑԵԼՈՒԹԻՒՆ ՀԱՆՐԱԽԱՆՈՒԹ

Ուրբաթ, 1 Դեկտեմբեր 2014-ին, մանկապարտէզի կապոյտ դասարաններու աշակերտները այցելեցին «Bou Khalil», ծանօթացան հանրախանութի տարբեր բաժիններուն եւ գնեցին սննդարար ուտելիքներ: Երեքշաբթի առաւօտեան, նախաճաշի պահուն, աշակերտները մեծ ուրախութեամբ ճաշակեցին իրենց գնած սննդարար ուտելիքները:

ԱՐԱԲԵՐԷՆ ԼԵԶՈՒԻ ԴԱՍԱՊԱՀ «ՄԵԾ» ԱՇԱԿԵՐՏՆԵՐՈՒՆ ՀԵՏ

Նախակրթարանի Ե. դասարանի աշակերտները երկրորդական բաժինի Ժ. դասարանի աշակերտներուն հետ  արաբերէն լեզուի հաճելի դասապահ մը անցուցին: Անոնք խօսեցան ու կարծիքներ փոխանակեցին հայրենիքի եւ հայրենասիրութեան մասին: Աշակերտները արտայայտուեցան հայրենիքի նկատմամբ քաղաքացիին ունեցած պարտաւորութիւններուն մասին եւ ամրապնդեցին իրենց սորված բառամթերքը:

ԿԱՊՈՅՏ ԴԱՍԱՐԱՆԻ ՓՈՔՐԻԿՆԵՐՈՒՆ ԱՅՑԵԼՈՒԹԻՒՆԸ

Նորսիկեան մանկապարտէզի կապոյտ դասարաններու աշակերտները այցելեցին դպրոցին մօտակայ յարկաբաժին մը, դիտելու տան զանազան բաժանումները եւ ամրապնդելու համար դասարանէն ներս իրենց սորվածները։  

ՈՒՍՄԱՆ ԿՈՂՄՆՈՐՈՇՈՒՄ

Չորեքշաբթի, 15 Նոյեմբեր 2017-ին, ԺԲ. դասարանէն Հրակ Մեսրոպեան եւ Սարօ Փիլիպոսեան ներկայ գտնուեցան Հայկազեան համալսարանի «business school»-ի դասապահու մը: Այսպիսի պահեր յատկացուած են աւարտական դասարանի աշակերտներուն, որպէսզի տեսնեն եւ յաւելեալ տեղեկութիւններ ստանան իրենց ընտրելիք մասնագիտութեան մասին:

ՊՏՈՒՂԻ ԱՂՑԱՆ

Մանկամսուրի փոքրիկները ծանօթանացան աշնան պտուղներուն եւ ամրապնդեցին իրենց գիտելիքները: Անոնք զանազան պտուղներով պտուղի աղցան պատրաստեցին, ապա համտեսեցին: 

ԿԱՆԱՉ ԴԱՍԱՐԱՆԻ ԱՇԱԿԵՐՏՆԵՐՈՒՆ «ՇՈՒԿԱՆ»

Ուրբաթ, 24 Նոյեմբեր 2017-ին, Նորսիկեան մանկապարտէզի կանաչ դասարանի աշակերտները սորվեցան շուկայի դասը: Անոնք շուկայ շինեցին եւ գնումներ կատարեցին: Այս դասին ու աշխատանքին ընդմէջէն անոնք ոչ միայն սորվեցան պտուղներու եւ բանջարեղէններու անունները, այլեւ՝ կշիռքի հասկացողութիւնը, թէ ի՛նչպէս կը գնեն զանոնք՝ քիլոյո՞վ կամ կապոցով, թէ ի՛նչպէս դրամ կը գործածեն, եւայլն:

ՈՒՍՄԱՆ ԿՈՂՄՆՈՐՈՇՄԱՆ ԱՅՑԵԼՈՒԹԻՒՆ ԼԻԲԱՆԱՆԵԱՆ ՀԱՄԱԼՍԱՐԱՆ

Երկուշաբթի, 20 Նոյեմբեր 2017-ին, ԺԲ. դասարանէն խումբ մը աշակերտներ, որոնք հետաքրքրուած էին լիբանանեան համալսարանով, դպրոցի ընկերային ծառայողին ընկերակցութեամբ ուղղուեցան դէպի երեք տարբեր բաժանմունքներ: Անոնք նախ այցելեցին Ֆանարի շրջանին մէջ գտնուող հանրային առողջապահութեան եւ գիտութեան բաժանմունքները եւ տեսակցեցան պատասխանատու Դոկտ. Ժոզէֆ Պշարայի հետ, որ մէկ ժամ տրամադրեց լուսաբանելու համար…

ՈՒՍՄԱՆ ԿՈՂՄՆՈՐՈՇՄԱՆ ՀԱՒԱՔ

Կազմակերպութեամբ Ճեմարանի տնօրէնութեան եւ երկրորդական բաժինի ուսուցիչներու, Երեքշաբթի, 21 Նոյեմբեր 2017-ի երեկոյեան, «Տոքթ. Ատրինէ Գարագաշեան» սրահէն ներս տեղի ունեցաւ ուսման կողմնորոշման հանդիպում մը՝ երկրորդական բաժինի աշակերտներուն եւ ծնողներուն մասնակցութեամբ: Ճեմարանի տնօրէնուհի Փաուլա Եղիայեան ողջունեց ներկաները եւ ըսաւ, որ այս հաւաքը իր բնոյթով կը տարբերի ուրիշներէ անով, որ սոսկ…

ԼԻԲԱՆԱՆԻ ԱՆԿԱԽՈՒԹԵԱՆ ՏՕՆ

Երեքշաբթի, 21 Նոյեմբեր 2017-ին, առաջին զբօսանքին, միջնակարգ եւ երկրորդական բաժիններու աշակերտները հաւաքուեցան իրենց բակը, ուր ԺԲ. դասարանի աշակերտները օրուան պատգամը փոխանցեցին: Աշակերտները երգեցին Լիբանանի քայլերգը, որմէ ետք Հերա Տէտէեան հայերէն լեզուով եւ Մէյրի Գրիգորեան արաբերէն լեզուով յաջորդաբար ընթերցեցին Լիբանանի անկախութեան տօնին առիթով իրենց խօսքերը: Պատմական ակնարկէ ետք, անոնք…