22 եւ 23 փետրուար 2017-ին, տեղի ունեցաւ Լսարանական Միութեան վարչութեան կազմակերպած ձիւնագնացութիւնը, Ֆարայա շրջանէն ներս:
Առաւօտեան ժամը 12-ին, դասերը աւարտելէ ետք, երկրորդական բաժնի աշակերտներս խմբուեցանք եւ նախաճաշեցինք, ապա ուղղուեցանք դէպի Ֆարայա, ձիւնին վրայ ժամանակ անցընելու, ինչպէս նաեւ «Դրօշակի խաղը» խաղալու:
Բաւական զուարճանալէ ետք, ուղղուեցանք հիւրանոց, ուր տեղաւորուեցանք եւ հանգչեցանք: Այս տարի բախտը ունեցանք հոն միասնաբար Հ.Մ.Ը.Մ-ի կողովագնդակի խաղը դիտելու: Ապա տեղի ունեցաւ զանազան թեմաներ ընդգրկող զարգացման մրցում մը:
Ընթրիքէն ետք, վարչութիւնը կազմակերպած էր տարբեր տեսակի խաղեր, որոնց շնորհիւ բոլորս միացանք բեմին վրայ սիրալիր մթնոլորտ մը ստեղծելով, պարելով ու երգելով:
Յաջորդ առտու, նախաճաշէն ետք, աշակերտական խմբակներով տեղի ունեցաւ «Rally Paper»-մը Ֆարայայի շրջանէն ներս:
Բոլորիս երեսին վրայ ժպիտ մը գծուած տուն վերադարձանք լաւ յիշատակներով:
Քրիստ Բրուտեան
ԺԲ. դասարան