ՁԻՒՆԱԳՆԱՑՈՒԹԻՒՆ

7 եւ 8 Փետրուար 2018-ին, տեղի ունեցաւ Լսարանական Միութեան վարչութեան կազմակերպած ձիւնագնացութիւնը, Ֆարայա շրջանէն ներս: Երկօրեայ յայտագրին առաջին օրը տեղի ունեցան արշաւ, զարգացման մրցում, բանավէճ, խարոյկ եւ տարբեր տեսակի խաղեր: Յաջորդ առտու, նախաճաշէն ետք, աշակերտական խմբակներով տեղի ունեցաւ «Rally Paper»-մը Ֆարայայի շրջանէն ներս: Աշակերտները տուն վերադարձան ընկերական լաւագոյն…

«ՔՈՒՆՀԱՏԻ» ԿԱԶՄԱԿԵՐՊՈՒԹԵԱՆ ՆԵՐԿԱՅԱՑՈՒՑԻՉԸ՝ ԼՍԱՐԱՆԱԿԱՆ ՄԻՈՒԹԵԱՆ ՀԻՒՐԸ

Հինգշաբթի, 25 Յունուար 2018-ին Լսարանական Միութեան հիւրն էր «Քունհատի» (Kunhadi) կազմակերպութեան ներկայացուցիչը։ 18 տարեկանին ինքնաշարժի արկածի զոհ գացած Հատիին պատմութիւնը լսելէ ետք, աշակերտները իրազեկ դարձան ճանապարհային երթեւեկութեան կանոններուն եւ ճանապարհային արկածներու պատճառներուն ու անոնց հասցուցած վնասներուն։ Դասախօսութիւնը աւարտեցաւ գործնական աշխատանքով մը։ Աշակերտները յուզուած, բայց գոհունակութեան զգացումով տուն մեկնեցան։

ՎԱՀԷ ՊԷՐՊԷՐԵԱՆ՝ ԼՍԱՐԱՆԱԿԱՆ ՄԻՈՒԹԵԱՆ ՀԻՒՐԸ

Հինգշաբթի, 18 Յունուար 2018-ին, Ճեմարան այցելեց երգիծաբան Վահէ Պէրպէրեան: Ան տնօրէնութեան հետ կարճ հանդիպումէ մը ետք, շրջեցաւ դպրոցին մէջ ու տեսակցեցաւ աշակերտներուն եւ ուսուցիչներուն հետ: Ժամը 1:30-ին Վահէ Պէրպէրեան Լսարանական Միութեան հիւրն էր: Աւարտական դասարանէն Ռազմիկ Տէրունեան ներկայացուց զինք, ապա տեղի ունեցաւ հաճելի զրոյց մը. ան պատասխանեց աշակերտներուն…

ՀԱՅԱՍՏԱՆԻ ԵՐԿՐԱՇԱՐԺԻ ՅԻՇԱՏԱԿԻՆ ՆՈՒԻՐՈՒԱԾ ՁԵՌՆԱՐԿ

Կազմակերպութեամբ Լսարանական Միութեան, Հինգշաբթի, 7 Դեկտեմբեր 2017-ին, ժամը 11:30-ին, «Տոքթ. Ատրինէ Գարագաշեան» սրահին մէջ, տեղի ունեցաւ Հայաստանի երկրաշարժին յիշատակին առիթով ձեռնարկ մը, միջնակարգ եւ երկրորդական բաժիններու աշակերտներուն ներկայութեամբ: Գեղարուեստական կոկիկ յայտագիրէ մը ետք, ներկաները դիտեցին տեսերիզ մը երկրաշարժին մասին: Երկրաշարժի զոհերուն յիշատակը անթառամ պիտի մնայ մեր սրտերուն մէջ:

ԴԱՍԱԽՕՍՈՒԹԻՒՆ

Հինգշաբթի, 7 Դեկտեմբեր 2017-ին, Լուիզա Պապոյեան Ազէզեան Լսարանական Միութեան աշակերտներուն խօսեցաւ արհեստագիտութեան վնասներուն մասին: Դասախօսութեան աւարտին, Պապոյեան պատասխանեց աշակերտներուն հարցումներուն:

ԽՈՐՈՎԱԾԻ ԵՐԵԿՈՅ

Ուրբաթ, 14 Հոկտեմբեր 2017-ին, տեղի ունեցաւ Լսարանական Միութեան առաջին խրախճանքը՝ խորովածի երեկոն: Լսարանականները ուրախ ժամեր անցուցին հաճելի եւ մտերմիկ մթնոլորտի մէջ:

ՀԱՂՈՐԴԱԳՐՈՒԹԻՒՆ

Ճեմարանի Լսարանական Միութիւնը Հինգշաբթի, 28 Սեպտեմբեր 2017-ին ընտրեց իր վարչութիւնը հետեւեալ ձեւով. -Ժ1. Դասարանէն՝ Շահան Հաւաթեան -Ժ2. Դասարանէն՝ Կարէն Քէշիշեան -ԺԱ. գրականէն՝ Պեթի Փաչանեան -ԺԱ. գիտականէն՝ Լէա Խաչատուրեան -ԺԲ. գրականէն՝ Գարլօ Դարբինեան -ԺԲ. գիտականէն՝ Ռազմիկ Տէրունեան Լսարանական Միութեան աշակերտները 5 Հոկտեմբերին ընտրեցին Լսարանական Միութեան նախագահը` ներկայութեամբ Լսարանական Միութեան…

«ԽՈՍՏՈՒՄԸ» (THE PROMISE) ՖԻԼՄԻ ՔՆՆԱՐԿՈՒՄ

Հինգշաբթի, 27 Ապրիլ 2017-ին Լսարանական Միութեան Ժ. եւ ԺԱ. դասարաններու աշակերտները Չալեան սրահէն ներս Ճեմարանի շրջանաւարտ բեմադրիչ Հրայր Գալեմքերեանի հետ զրուցեցին ցեղասպանութեան նիւթը պատմող «Խոստումը» ֆիլմին մասին:

ԸՆԴՀԱՆՈՒՐ ԺՈՂՈՎ

Հինգշաբթի, 6 Ապրիլ 2017-ին տեղի ունեցաւ Լսարանական Միութեան վերջին ընդհանուր ժողովը: Խօսք առաւ միութեան նախագահ Քրիստ Բրուտեան, որ յայտնեց 2016-2017 տարեշրջանին միութեան կատարած ձեռնարկներուն ընթացքը եւ նշեց որ վարչութիւնը իր կարելին ըրաւ, որ յաջող գործունէութիւն ունենայ: Լսարանական Միութեան գանձապահ Նշան Կուրղիկեան ներկայացուց ամբողջ տարուան ընթացքին միութեան ապահոված շահը՝…

«ԱՆՏԱՌԱՊԱՀԸ ԼԻԲԱՆԱՆԻ ՏԱՐԱԾՔԻՆ»

Հինգշաբթի, 6 Ապրիլ 2017-ին, Լսարանական Միութեան կենսոլորտի խմբակին կազմակերպութեամբ, ԺԲ. դասարանէն Նարօտ Սերուժեան ներկայացուց «Անտառապահը Լիբանանի տարածքին» նիւթը: Ան բացատրեց, թէ ի՛նչպէս այսօր աշխարհը կենսոլորտի հետ կապուած մեծ խնդիրներ ունի, ըլլան անոնք ջերմացում, ապականում, որոշ անասուններու ոչնչացում, եւայլն: Լիբանանի պարագային, զարմանալի չէ որ կան մեծ խնդիրներ: Ըստ «Pollution…

ԱՐՑԱԽԵԱՆ ՔԱՌՕՐԵԱՅ ՊԱՏԵՐԱԶՄԻՆ ՏԱՐԵԼԻՑԻՆ ՆՈՒԻՐՈՒԱԾ ՁԵՌՆԱՐԿ

Հինգշաբթի, 30 Մարտ 2017-ին, կազմակերպութեամբ Լսարանական Միութեան վարչութեան, տեղի ունեցաւ 2016 Ապրիլին տեղի ունեցաւ Արցախի քառօրեայ պատերազմին տարելիցին նուիրուած ձեռնարկ «Տոքթ. Ատրինէ Գարագաշեան» սրահէն ներս: Լսարանական Միութեան նախագահ Քրիստ Բրուտեանի բացման խօսքէն ետք, ցուցադրուեցաւ տեսերիզ մը, ապա օրուան բանախօս Լեւոն Աւետանեան ներկայացուց Լեռնային Ղարաբաղի քառօրեայ պատերազմը: Ան նախ…