Մարտ ամսուն, նախակրթարանի Ե. դասարանի աշակերտները բանաստեղծութեան միջազգային օրուան առիթով ունկնդրեցին այն բանաստեղծութիւնները, որոնք երգի վերածուած են եւ արտասանեցին իրենց նախասիրած գրութիւնները եւ կատարեցին պատի թերթի աշխատանքներ: Նոյն ծիրին մէջ, երգի ուսուցչուհին աշակերտներուն ներկայացուց Կոմիտասը, անոնք դիտեցին տեսերիզ մը եւ սորվեցան «Շողեր ջան» երգը: Աշակերտները հայերէն լեզուի դասապահուն…
Հ.Մ.Ը.Մ.ի Լիբանանի Շրջանային վարչութեան ԼԵՎԱՄ-ի յանձնախումբին կազմակերպած դաշտային խաղերու մրցումները երկու օրերու վրայ երկարած, տեղի ունեցան Շաբաթ 25 եւ Կիրակի 26 Մարտ, 2017-ին, Պուրճ համուտի քաղաքապետարանի մարզադաշտին վրայ: Ստորեւ Ճեմարանի աշակերտներուն արդիւնքները.- ԿԱՐՃ ՎԱԶՔ՝ 60մ. (05/06) Աղջիկներ՝ Ալինա Վասիլեան (երրորդ) (03/04) Աղջիկներ՝ Լորի Գարաճեան (երկրորդ) (01/02) Աղջիկներ՝ Ռիթա Իրատեան (երկրորդ), Լէա Խաչատուրեան (երրորդ)…
Համազգայինի «Վահէ Սէթեան» հրատարակչատան գրատարածի նախաձեռնութեամբ եւ կազմակերպութեամբ, մանկապատանեկան գիրքերու եւ դաստիարակչական խաղերու շրջուն ցուցահանդէսը տեղի ունեցաւ Ճեմարանի մէջ, Հինգշաբթի, 23 Մարտ 2017-ին։ Աշակերտները հետաքրքրութեամբ դիտեցին գիրքերը, ապա հարստացուցին իրենց տան գրադարանը՝ գնելով իրենց նախասիրած գիրքերը:
Նախակրթարանի Ե. դասարաններու աշակերտները ներկայ գտնուեցան ԼՕԽ-ի Շրջանային վարչութեան Քարոզչական յանձնախումբին կողմէ կազմակերպուած Մանուկներու միջազգային օրուան ձեռնարկին, որ տեղի ունեցաւ Հինգշաբթի, 23 Մարտ 2017-ի առաւօտեան ժամը 10:00-ին, «Յակոբ Տէր Մելքոնեան» թատերասրահին մէջ:
Երկուշաբթի, 20 Մարտ 2017-ին, նախակրթարանի Դ. դասարանի աշակերտները այցելեցին «Les merveilles de la mer» ծովային անասուններու թանգարանը (Ժտէյտի) եւ ծանօթացան հոն ցուցադրուած ողնաւոր եւ անողն անասուններու տեղափոխուելու, պաշտպանուելու, սնուելու եւ բեղմնաւորուելու ձեւերուն: Աշակերտները դիտեցին այս նիւթով տեսերիզ մը, հետեւեցան բացատրութեան, պատասխանեցին հարցումներուն, ապա շրջեցան թանգարանին մէջ գոհացում տալով…
Երեքշաբթի, 21 Մարտ 2017-ին, նախակրթարանի Զ. դասարաններու աշակերտները նշեցին բանաստեղծութեան միջազգային օրը: Իրմա Գապագեան Տէտէեան աշակերտներուն բացատրութիւններ տուաւ բանաստեղծութիւններու եւ ասմունքողի յատկանիշներուն մասին: Ան ասմունքեց Զահրատի «Մեսրոպաբոյր», Եղիշէ Չարենցի «Ես իմ անուշ Հայաստանի» եւ Մուշեղ Իշխանի «Մայրիկիս» բանաստեղծութիւնները: Այնուհետեւ միջնակարգի Է. դասարանէն Լոռի Եահնիյեան եւ Հրակ Լախեան, որոնք…
Երկուշաբթի, 13 Մարտ 2017-ին, նախակրթարանի Զ. դասարաններու աշակերտները մեծ հաճոյքով ու խանդավառութեամբ բեմականացուցին իրենց դասը՝ «Երբ չես ուզեր հիւր ընդունիլ»: Աշակերտները հայերէն լեզուի դասապահուն, երգիծական ստեղծագործութիւններու ծիրէն ներս, ծանօթացան հայ գրականութեան մեծ երգիծաբան Յակոբ Պարոնեանին ու անոր գործերուն, մասնաւորաբար «Քաղաքավարութեան վնասները» ստեղծագործութեան: Երգիծական ոճի յատկանիշներէն բացի, անոնք սորվեցան,…
Ուրբաթ, 3 Մարտ 2017-ի առաւօտեան, միջնակարգի եւ երկրորդականի աշակերտները հաւաքուեցան իրենց բակը եւ նշեցին Ճեմարանի հիմնադրութեան 87 ամեակը: Խօսք առաւ աւարտական դասարանէն Նարօտ Սերուժեան եւ ըսաւ. «87 տարի առաջ այսօր, 1930-ին, Լիբանանի մէջ հիմնուեցաւ Համազգայինի Հայ Ճեմարանը: Սկզբական շրջանին, դպրոցը կը գործէր Պէյրութի Քանթարի փողոցին վարձու շէնքի մը…
Բարեկենդանի առիթով, Հինգշաբթի, 2 Մարտ 2017-ի առաւօտեան, աւարտական դասարանի աշակերտները դպրոց ժամանեցին ծպտուած: Անոնք երկու ժամ շրջեցան դպրոցին զանազան բաժինները երգելով ու պարելով եւ ուրախութիւն սփռեցին ամենուրէք, ապա վերադարձան իրենց դասերուն…: Քրիստ Բրուտեան ԺԲ. դասարան
Մանկամսուրի փոքրիկները ծանօթացան պարտիզպանին աշխատանքին եւ անոր գործիքներուն: Անոնք իրենց գիտելիքները աւելի եւս ամրապնդեցին գործնական աշխատանքով՝ հունտ ցանելով:
Մ. Եւ Հ. Արսլանեան Ճեմարանի աշակերտական պատուիրակութիւն մը այս տարի եւս մասնակցեցաւ Լիբանան-Ամերիկեան Համալսարանի (LAU) նախաձեռնած Model United Nations (MUN) ծրագրին: Այս ծրագրի գործնականացման հանդիպումներուն, աշակերտները խորացուցին իրենց գիտելիքները Միացեալ Ազգերու Կազմակերպութեան (ՄԱԿ) մասին, անոնք սորվեցան քաղաքացիական պատասխանատուութիւն ստանձնել, սորվեցան դիւանագիտական տարբեր հմտութիւններ, ինչպէս նաեւ՝ տագնապներու խաղաղ լուծման…
