Երկուշաբթի, 27 Փետրուար 2017-ին, Ճեմարանի ԺԱ. եւ ԺԲ. դասարաններու աշակերտները հիւրընկալեցին Փրոֆ. Ռիչըրտ Յովհաննէսեանը եւ դուստրը՝ Անի Յովհաննէսեան- Գէորգեանը: Ճեմարանի տնօրէն Փաուլա Եղիայեանի ողջոյնի խօսքէն ետք, աւարտական դասարանէն Յակոբ Թաշճեան ներկայացուց Փրոֆ. Ռիչըրտ Յովհաննէսեան ամերիկահայ պատմաբանը եւ ցեղասպանագէտը։ Ան ըսաւ, որ Ռիչըրտ Յովհաննէսեան ճանչցուած է յատկապէս չորս հատորէ…
Չորեքշաբթի, 22 Փետրուար 2017-ի երեկոյեան ժամը 8։00-ին, տարրական բաժինի Բ. դասարանի աշակերտները նշեցին հայրերու տօնը։ Անոնք հայրերուն ներկայացուցին իրենց պատրաստած երգերը, պարերը եւ արտասանութիւնները։ Աշակերտները իրենց հայրերուն հետ մասնակցեցան խաղերու եւ միասնաբար երգեցին ու պարեցին ճոխ մթնոլորտի մէջ: Ձեռնարկի աւարտին, իւրաքանչիւր աշակերտ իր հօրը նուիրեց իր պատրաստած ձեռային…
Չորեքշաբթի, 22 Փետրուար 2017-ին, Տիկ. Սօսէ Ճինպաշեան նախակրթարանի Դ. դասարանի աշակերտներուն փոխանցեց բարեկենդանի խորհուրդը: Ան աշակերտներուն ներկայացուց «ակլատիզ»ը՝ մեծ պահքի ծիսական տիկնիկը: Տիկ. Սօսէ հայկական տարազներով ծպտեց աշակերտ մը եւ աշահերտուհի մը, ապա խօսեցաւ հայկական ընդհանուր գիտելիքներու մասին: Այնուհետեւ ան աշակերտները հիւրասիրեց իր պատրաստած տարեհացով: Աշակերտները պարեցին «Թամզարա»ն…
Կազմակերպութեամբ NDU համալսարանին, Երեքշաբթի, 21 Փետրուար 2017-ին, տեղի ունեցաւ երկրորդական բաժինի աշակերտներու դաշնամուրի միջդպրոցական մրցանք: Մրցանքին մասնակցեցան Ճեմարանի աշակերտներէն՝ Ռիթա Մուրատեան, Կարօ Գրիգորեան (Ժ. դասարան) եւ Մանէ Պասմաճեան (ԺԲ. դասարան), որոնք անցան առաջին հանգրուանը: ԱյնուհետեւԿարօն եւ Մանէն անցան աւարտական հանգրուան, որուն աւարտին արժանացան յանձնաժողովի անդաներուն բարձր գնահատանքին եւ…
Չորեքշաբթի, 22 Փետրուար 2017-ին, տարրական բաժինի աշակերտները ծպտուած դպրոց եկան եւ նշեցին բարեկենդանի տօնը: Անոնք ուրախ մթնոլորտի մէջ երգեցին, արտասանեցին, պարեցին ու տարեդարձներ տօնեցին: Բարի տօն բոլորին:
Չորեքշաբթի, 22 Փետրուար 2017-ին, Նորսիկեան մանկապարտէզի աշակերտներն ու ուսուցիչները ծպտուած դպրոց եկան: Փոքրիկները երգելով ու պարելով նշեցին բարեկենդանը: Անոնք խամաճիկ դիտեցին եւ կարկանդակ հիւրասիրուեցան:
Երեքշաբթի, 21 Փետրուար 2017-ին, տեղի ունեցաւ Վարդանանց տօնին եւ Արցախի ազատագրական պայքարին նուիրուած ձեռնարկ մը նախակրթարանի Ե. եւ Զ. դասարաններու աշակերտներուն մասնակցութեամբ: Բազման խօսքը ընթերցեց Գալին Գիլեճեան, ապա օրուան խորհուրրդը փոխանցեց Ազգային Լեւոն եւ Սոֆիա Յակոբեան քոլեճի տնօրէն Վիգէն Աւագեան: Այնուհետեւ Միսաք Պարսումեան կիթառով նուագեց «քամանչա»ն, իսկ Գէորգ Արապաղեան…
Երկուշաբթի, 20 Փետրուար 2017-ին, Նորսիկեան մանկապարտէզի փոքրիկները նշեցին Վարդանանց տօնը: Անոնք իրենց պատրաստած սուրերը, եռագոյն դրօշները եւ զօրավար Վարդան Մամիկոնեանի նկարները բարձր բռնած տողանցեցին բակին մէջ` «զինուորին երգը» երաժշտութեան ընկերակցութեամբ:
Ուրբաթ, 17 Փետրուար 2017-ին, Ճեմարանի շրջանաւարտ Տոքթ. Իշխան Եղիայեան նախակրթարանի Դ. դասարաններու աշակերտներուն ներկայացուց «մարդակազմութիւն, առողջապահութիւն եւ ակռաներու խնամք» նիւթը: Տոքթ. Իշխան բացատրեց, թէ ի՛նչպէս ուտելիքները կ’ազդեն մեր առողջապահութեան եւ ակռաներուն վրայ: Աշակերտները մեծ հետաքրքրութեամբ հետեւեցան եւ ստացան իրենց հարցումներուն լուսաբանութիւնները:
Երեքշաբթի, 7 Փետրուար 2017-ին, պատմութեան-աշխարհագրութեան ուսուցչուհիին ընկերակցութեամբ ուղղուեցանք դէպի Ժպէյլ՝ հայոց ցեղասպանութեան որբերու «Արամ Պէզիքեան» թանգարան: Թանգարանին մասին ընդհանուր տեղեկութիւններ ստանալէ ետք, կը մտնենք ներս: Բարձր պատերով եւ լայն սենեակներով վայր մըն է, ուր ցուցադրուած են զանազան փաստագրական նիւթեր հայոց ցեղասպանութեան, որբանոցի հիմնադրման եւ դանիացի միսիոնար Մարիա Ճէյքըպսընի …
Հինգշաբթի, 16 Փետրուար 2017-ին, Ճեմարանի շրջանաւարտ ատամնաբոյժ Տոքթ. Լոռի Աբրահամեան այցելեց մանկամսուր եւ փոքրիկներուն փոխանցեց ակռաներու առողջապահութեան վերաբերող գիտելիքներ: Ան բացատրեց, թէ ինչո՛ւ եւ ի՛նչպէս պէտք է ակռաները խոզանակել օրական դրութեամբ: Փոքրիկները հետաքրքրութեամբ հետեւեցան բացատրութիւններուն եւ ակռանելը խոզանակելու փորձ կատարեցին:
Երկուշաբթի, 13 Փետրուար 2017-ին Մանկապարտէզի կանաչ դասարաններու ծնողները առաւօտեան ժամը 8։00-էն 10:00 իրենց զաւակներուն հետ դասարան մտան եւ դիտեցին հայերէն, արաբերէն եւ ֆրանսերէն լեզուներու դասապահերը։ Այս նախաձեռնութիւնը առիթ կու տայ ծնողներուն ծանօթանալու դպրոցի եւ դասարանի մթնոլորտին, ինչպէս նաեւ՝ դասանիւթերու մատուցման ձեւերուն։
