Շաբաթ, 30 Մայիս 2015-ին, մանկամսուրի եւ մանկապարտէզի վարդագոյն դասարանի աշակերտները նշեցին մայրերու տօնը՝ ներկայութեամբ իրենց մայրերուն ու մեծ մայրերուն: Փոքրիկները իրենց ծնողներուն հետ մայրերու օրուան յատուկ ձեռային աշխատանքները պատրաստելէ ետք, ներկայացուցին գեղարուեստական յայտագիր մը, որ կ’ընդգրկէր երգ, պար ու նուագ, ապա միասնաբար նախաճաշեցին: Վարդագոյն դասարանի փոքրիկները այս նախաձեռնութենէն…
Կիրակի, 31 Մայիս 2015-ին Պուրճ Համուտի քաղաքապետարանի դաշտին վրայ տեղի ունեցած մայիսեան փառատօնին ընթացքին ՀՄԸՄ-ի Լիբանանի Շրջանային վարչութեան ատենապետ Րաֆֆի Մումջողլեանի եւ ԼԵՎԱՄ-ի ներկայացուցիչ Յարութ Ալաճաճեանի ձեռամբ տեղի ունեցաւ ԼԵՎԱՄ-ի վահաններու տուչութիւն. երկրորդական բաժինի յատուկ վահանը յանձնուեցաւ Համազգայինի Մելանքթոն եւ Հայկ Արսլանեան Ճեմարանին: ԼԵՎԱՄ-ի մասնակցող աշակերտներէն լաւագոյն մարզիկի…
Հ.Մ.Ը.Մ.ի Լիբանանի Շրջանային Վարչութեան Աթլեթիզմի ներկայացուցչական խումբը իր մասնակցութիւնը բերաւ 2014 – 2015 տարեշրջանի Լիբանանի Աթլեթիզմի տարիքային ախոյեանութեան, որ տեղի ունեցաւ 6 օրերու վրայ երկարող ժամանակամիջոցի մէջ 20-25 Մայիս, 2015-ին, Ժամհուր վարժարանի դաշտերուն վրայ: Ստորեւ Ճեմարանի աշակերտներուն ապահոված արդիւնքները.- 2004/05 250մ. Աղջիկ Լէա Պուտաքեան 5-րդ դիրք Բարձր. Աղջիկ…
Երեքշաբթի, 26 Մայիս 2015-ի առաւօտեան, Հ.Մ.Ը.Մ.-ի սկաուտական ընտանիքին մաս կազմող Ճեմարանի աշակերտները դպրոց ներկայացան իրենց սկաուտական տարազներով եւ բացօթեայ խաղավայրին մէջ խմբուեցան իրենց յատուկ շարքերով՝ գայլիկ-արծուիկ, արի-արենոյշ, պարման-պարմանուհի։ Տեղի ունեցաւ դրօշակի արարողութիւն, Հայաստանի հանրապետութեան եռագոյն դրօշակը ծածանեցաւ դպրոցին վերեւ։ Արարողութենէն ետք Հ.Մ.Ը.Մ.-ի Անթիլիաս մասնաճիւղի խօսքը փոխանցեց քոյր Կարին…
Երկրորդական բաժինէն խումբ մը աշակերտներ մասնակցեցան հետեւեալ զարգացման մրցումներուն. 15 Մայիս 2015-ին, Յակոբ Թաշճեան, Արամ Գէորգեան, Ռիթա Ֆերմանեան եւ Սագօ Եագուպեան ՍԴՀԿ «Տխրունի» Ուսանողական-Երիտասարդական Միութեան կազմակերպած լիբանանահայ երկրորդական վարժարաններու զարգացման մրցումին հանդիսացան երկրորդ: 16 Մայիս 2015-ին, Սէրուժ Յովսէփեան, Յակոբ Թաշճեան, Արենի Խաչատուրեան եւ Ֆիլիփ Քէչէք Հայ Կաթողիկէ Համալսարանականներու…
Ուրբաթ, 22 Մայիս 2015-ին, նախակրթարանի Ե. եւ Զ. դասարաններէն խումբ մը աշակերտներ մասնակցեցան Հայկական Բարեգործական Ընդհանուր Միութեան «Խօսնակ» պաշտօնաթերթի խմբագրութեան կազմակերպած արտասանութեան եւ գծագրութեան մրցումին՝ Ահրամճեան Կեդրոնէն ներս: Սարին Զարմէնեան առաջին հանդիսացաւ Զ. դասարաններու արտասանութեան մրցումին, իսկ Սիլվիա Տէմիրճեան յիշատակութեան արժանացաւ: Լոռի Պէրպէրեան առաջին հանդիսացաւ Զ. դասարաններու գծագրութեան…
Երկուշաբթի, 11 Մայիս 2015-ին, Շաղիկ Չափարեան նախակրթարանի Զ. դասարաններու աշակերտներուն ներկայացուց «Ցեղասպանութեան մասին տեղեկացուած ըլլալուն եւ Հայաստանի հզօրացման կարեւորութիւնը» նիւթը: Աշակերտները խմբային աշխատանքով եւ զրոյցով մասնակից դարձան դասախօսութեան:
Համազգայինի Մ. եւ Հ. Արսլանեան Ճեմարանի տնօրէնութիւնը խոր ցաւով կը գուժէ բարերար ԱՐՄԷՆ ԱՐՍԼԱՆԵԱՆԻ մահը, որ պատահեցաւ Կիրակի, 17 Մայիս 2015-ին:
Հինգշաբթի, 14 Մայիս 2015-ին ժողովրդային տարբեր գործիքներ նուագող հայրենի երիտասարդ երաժիշտներ, որոնք Լիբանան կը գտնուին մասնակցելու Համազգայինի «Այգ» երիտասարդական երգչախումբին տալիք ելոյթին, այցելեցին Ճեմարան: Ծանօթանալէ ետք դպրոցի զանազան բաժիններուն, անոնք վերջին պահուն «Տոքթ. Ատրինէ Գարագաշեան» սրահին մէջ, աշակերտներուն ներկայացուցին իրենց գործիքները եւ նուագեցին շարք մը հայկական աշուղական եւ…
Կիրակի, 10 Մայիս 2015-ին տեղի ունեցաւ Լիբանանի դպրոցներու «gymnastique»-ի ախոյեանութիւնը: Ճեմարանի տարրական բաժինի Բ. դասարանի աշակերտուհի Նարօտ Կիւրիւնլեան հանդիսացաւ 2007-2008-ի ծնունդներու ախոյեան, իսկ Գ. Դասարանէն Քրիստ Պարսումեան երկրորդ հանդիսացաւ 2005-2006 ծնունդներու: Կը շնորհաւորենք Նարօտն ու Քրիստը եւ նորանոր նուաճումներ կը մաղթենք իրենց:
Չորեքշաբթի, 6 Մայիս 2015-ին, միջնակարգի Թ. դասարաններու աշակերտներուն դպրոցական տարեշրջանը աւարտեցաւ։ Կէսօրուան ժամը 1։00-ին, աշակերտները իրենց ուսուցիչներուն ընկերակցութեամբ այցելեցին Նորսիկեան մանկապարտէզի պարտէզը, ուր միասնաբար ճաշեցին եւ Արիանէ Թասլաքեանին հրաժեշտի կարկանդակը հատեցին: Արիանէն շուտով կը գաղթէ Լիբանանէն. յաջողութիւն կը մաղթենք իրեն: Հաճելի ժամ մը անցընելէ ետք, աշակերտները մեկնեցան դպրոցէն՝…
Երեքշաբթի, 5 Մայիս 2015-ին, մանկապարտէզի վարդագոյն դասարանի աշակերտները իրենց ուսուցչուհիներուն ընկերակցութեամբ հաճելի ժամեր անցուցին «Living Colors» խաղավայրին մէջ։ Անոնք միասին խաղալէ ու զուարճանալէ ետք, շատ ուրախ, բայց նոյն ատեն յոգնած վերադարձան դպրոց։
