Մանկամսուրի, մանկապարտէզի եւ տարրական բաժինի աշակերտները իրենց շատ սիրելի տօնը՝ բարեկենդանը, նշեցին Չորեքշաբթի 26 Փետրուար 2014-ին։ Անոնք առաւօտեան սովորական ժամուն ծպտուած դպրոց ժամանեցին ։ Ուսուցիչները այդ օրուան համար յատուկ յայտագիր, խաղեր ու հիւրասիրութիւն պատրաստած էին։ Աշակերտները երգեցին, պարեցին ու խանդավառ մթնոլորտի մէջ հաճելի ժամեր անցուցին։
Երեքշաբթի, 25 Փետրուար 2014-ին, մանկամսուրի եւ մանկապարտէզի փոքրիկները մեծ հետաքրքրութեամբ ու խանդավառութեամբ դիտեցին ձեռնածու Տէնիին աճպարարութիւնները։ Աշակերտները ուրախութեամբ իրենց մասնակցութիւնը բերին ներկայացուած խաղերուն:
Երկուշաբթի, 24 Փետրուար 2014-ին, մանկապարտէզի փոքրիկները Քաջ Վարդանի զինուոր դառնալու փափաքով տոգորուած՝ տողանցեցին մանկապարտէզի բակին մէջ: Փոքրիկները իրենց գլխուն կը կրէին Քաջ Վարդանին թագերը: Անոնք մեծ խանդավառութեամբ արտասանեցին, երգեցին Վարդանի ու Աւարայրի ճակատամարտին նուիրուած երգեր եւ պարեցին հայկական պարեր:
Հինգշաբթի, 20 Փետրուար 2014-ին Մանկապարտէզի կանաչ դասարաններու ծնողները առիթը ունեցան առաւօտեան ժամը 8։00-էն 10:00 իրենց զաւակներուն հետ մտնելու դասարան եւ դիտելու հայերէն, արաբերէն եւ ֆրանսերէն լեզուներու դասապահերը։ Այս հանդիպումը առիթ կու տայ ծնողներուն ծանօթանալու դպրոցի եւ դասարանի մթնոլորտին, ինչպէս նաեւ՝ դասանիւթերու մատուցման ձեւերուն։
Նախագահութեամբ եւ ներկայութեամբ Մեծի Տանն Կիլիկիոյ Արամ Ա. կաթողիկոսին, Կիրակի, 23 Փետրուար 2014-ի երեկոյեան ժամը 6:00-ին Ճեմարանի «Տոքթ. Ատրինէ Գարագաշեան» մարզամշակութային սրահին մէջ արժանաւոր կերպով եւ մեծ շուքով նշուեցաւ Համազգայինի Մելանքթոն եւ Հայկ Արսլանեան Ճեմարանի 25-ամեակը: Լիբանանի եւ Հայաստանի քայլերգներու ունկնդրութենէն ետք ներկայացուեցաւ տեսերիզ մը, որուն ընդմէջէն Ճեմարանի…
Lorem ipsum dolor sit amet, consectetur adipiscing elit. Sed suscipit ligula ut dolor imperdiet accumsan. Fusce euismod, ante a imperdiet blandit, nulla justo porttitor mauris, eu consequat massa dolor nec ex. Phasellus vel eleifend lacus, vitae auctor neque. Vestibulum a magna ac neque finibus sollicitudin a egestas augue….
Ուրբաթ, 21 Փետրուար 2014-ին Համազգայինի Կեդրոնական Վարչութիւնը, Ճեմարանի Տնօրէնութիւնը, խնամակալութինը, ուսուցիչներն ու պաշտօնեաները հիւրընկալեցին Արսլանեան Ճեմարանի 25 ամեակին առիթով յատուկ Լիբանան ժամանած Տէր եւ Տիկին Րաֆֆի Արսլանեաները եւ Տէր եւ Տիկին Ատոմ ու Սելլա Թնճուկեանները: Ճեմարանի գրադարանին մէջ ուսուցչական կազմին հետ հանդիպումէ մը ետք, այցելուները տնօրէնութեան ընկերակցութեամբ շրջեցան…
Չորեքշաբթի, 19 Փետրուար 2014-ին, Ը. դասարաններու աշակերտները իրենց դաստիարակներուն, բաժնի պատասխանատուին եւ ընկերային ծառայողին ընկերակցութեամբ հաւաքուեցան մանկապարտէզի պարտէզը, ուր արծարծեցին կրթական եւ ընկերային մտահոգութիւններ: Աշակերտները խօսեցան զիրենք տագնապեցնող հարցերուն շուրջ եւ ստացան լուսաբանական պատասխաններ:
Չորեքշաբթի, 19 Փետրուար 2014-ին, L.I.U. համալսարանէն ներկայացուցիչներ ԺԲ. դասարաններու աշակերտներուն խօսեցան համալսարան մուտքի պայմաններուն եւ տարբեր մասնագիտութիւններուն մասին: Ներկայացման աւարտին անոնք տետրակներ նուիրեցին աշակերտներուն:
Յարգելի բարեկամ, Սոյն նամակով կը դիմենք ձեզի, ներկայացնելու համար Մ. եւ Հ. Արսլանեան Ճեմարանի 2012-ի շրջանաւարտներէն Յակոբ Հաճաքեանի առողջական բարդ պարագան: Յակոբը, որ այժմ 20 տարեկան է, 2013-ի Յուլիս ամսուն, տունէն դէպի համալսարան ճամբուն վրայ ենթարկուեցաւ ինքնաշարժի արկածի մը, որուն հետեւանքով անդամալուծուեցաւ: Այդ օրէն ի վեր, ան նոյն…
