Մ. եւ Հ. Արսլանեան Ճեմարանի 2011-2012 տարեշրջանի վերամուտը տեղի ունեցաւ հանգրուանային ձեւով: Սեպտեմբեր 12-ին երկրորդական բաժինի եւ միջնակարգի Թ. դասարանի աշակերտները վերադարձան դպրոց: Սեպտեմբեր 19-ին ամբողջացաւ միջնակարգի վերամուտը: Երկուշաբթի 26 Սեպտեմբերին տարրական բաժինի ու նախակրթարանի աշակերտներուն վերամուտն էր: Այդ օրը, առաջին զբօսանքին, բոլոր աշակերտներն ու ուսուցիչները հաւաքուեցան «Տոքթ….
Ճեմարանէն ներս նոր հիմնուած ուղղավարժական գրասենեակին գործունէութիւնը հունաւորելու նպատակով, տնօրէնութեան կազմակերպութեամբ, Շաբաթ, 24 Սեպտեմբեր 2011-ին, «Տոքթ Ատրինէ Գարագաշեան» սրահին մէջ տեղի ունեցաւ ուղղավարժական լսարան՝ մասնակցութեամբ ամբողջ ուսուցչական կազմին։ Նաթալի Այվազեան ներկայացուց դպրոցական հոգեբանի աշխատանքին բնոյթը եւ անոր կապը ուղղաբանին (orthophoniste) եւ ուղղավարժին (othopédagogue) հետ։ Շաղիկ Կոկոնեան ներկայացուց ուղղաբանին…
Մարզական աւանին մէջ, Արեւմտեան Ասիոյ աթլեթիզմի կրտսերներու առաջին ախոյեանութեան մրցումներուն, Կիրակի, 25 Սեպտեմբերին, Լիբանանի աղջիկներու խումբը յաջողեցաւ վազքի խմբային մրցումներուն տիրանալ ոսկի մետալին` գերազանցելով այլ երկիրներու հաւաքականները: Լիբանանի խումբին մաս կը կազմէր այս ախոյեանութեան մրցումներուն միակ հայ մարզիկը` Լոռի Թաշճեան, որ Ճեմարանի ԺԲ. դասարանի աշակերտուհի է եւ մաս…
Հինգշաբթի, 22 Սեպտեմբերին, ժամը 1։30-ին, Համազգայինի Մ. եւ Հ. Արսլանեան Ճեմարանի միջնակարգ եւ երկրորդական բաժիններու աշակերտները նշեցին Հայաստանի հանրապետութեան վերանկախացման 20 ամեակը։ Լիբանանի եւ Հայաստանի քայլերգներուն ունկնդրութենէն ետք, ձեռնարկին բացման խօսքը ընթերցեց Վանայ Ճէնանեան։ Ան ըսաւ. «20 տարի առաջ՝ 21 Սեպտեմբեր 1991-ին, երկրորդ անգամ ըլլալով ողջ հայութեան դիմաց…
Հինգշաբթի, 22 Սեպտեմբեր 2011-ի առաւօտեան ժամը 10։00-ին Տարրական բաժինի առաջին դասարանի աշակերտները դպրոց եկան իրենց ծնողներուն հետ։ Աշակերտները երգեցին եւ իրենց դասարաններուն ու շէնքի բաժանումներուն ծանօթացան։ Յետոյ տօնական մթնոլորտի մէջ խմբուեցան սեղաններու շուրջ եւ հաճելի ժամանակ անցուցին միասին։ Աշակերտներէն շատեր հետաքրքրուեցան Տարրական բաժինի գրադարանէն ներս գտնուող գիրքերով։ Ծնողները…
Երեքշաբթի, 20 Սեպտեմբեր 2011-ի կէսօրին, Գուսան Հայկազունի «Հայկազունք» համոյթի անդամները այցելեցին Ճեմարան։ Անոնք շրջեցան դպրոցի զանազան բաժանմունքները, հանդիպում ունեցան տնօրէնութեան հետ, այցելեցին Հ.Յ.Դ. Բիւրոյի արխիւներու գրասենեակ եւ տեսակցեցան պատմաբան Երուանդ Փամպուքեանի հետ։ Ճեմարանի միջնակարգ եւ երկրորդական բաժիններու աշակերտները «Տոքթ. Ատրինէ Գարագաշեան» սրահին մէջ դիմաւորեցին հայրենի հիւրերը, որոնք բեմ…
Երկուշաբթի, 5 Սեպտեմբեր 2011-ին ՀՀ կրթութեան եւ գիտութեան նախարարութեան նախաձեռնութեամբ տեղի ունեցաւ բացումը «Հայոց պետականութիւն. 5000-ամեայ… եւ 20-ամեայ» խորագրով համահայկական մանկապատանեկան նկարչական մրցոյթ-փառատօնին, որ այս տարի նուիրուած է ՀՀ անկախութեան 20-ամեակին: Հայաստանէն, Արցախէն եւ Սփիւռքի 18 երկիրներէ ներկայացուած շուրջ հազար աշխատանքներէն 243-ը ընտրուած են ու ցուցադրուած։ Վերոյիշեալ մրցոյթին…
